Ma’lumki, ayni paytda muhtaram prezidentimiz Sh. Mirziyoyevning ko’rsatgan besh tashabbus doirasida qilinayotgan ishlar diqqatga sazovordir. Ayniqsa, Buxoro davlat universiteti, Xorijiy tillar fakultetida bu borada bir qator ishlar amalga oshirilmoqda. 29- oktabr kuni Xorijiy tillar fakulteti ingliz adabiyoti kafedrasi xorijiy til va adabiyoti ta’lim yo’nalishi 11-1,2chi-18 guruhlarida “Siz turmushga tayyormisiz?” mavzusida oliy toifali ruhshunos Zuxurova Inobat Axmedjanovna bilan davra suhbati o’tkazildi.Davra suhbatini dastavval ruhshunos o’zlarini tanishtirish bilan boshlab, keyin qisqagina tanishuv mashqi o’tkazdi. Unda talabalar ismlariga sifat qo’shish orqali o’zlari haqida qisqacha ma’lumot berib o’tdilar. Bu mashqdan so’ng, savol-javob qismi o’tkazildi. Talabalarga qiziqarli savollar berilib, javoblar asosida talabalarning ruhiyatiga oid ma’lumotlar berildi. Suhbatning keyingi qismida talabalarga oila psixologiyasiga oid kerakli ko’rsatmalar berildi. Oila psixologiyasining asosiy kaliti quyidagilar: 1. Shartsiz qabul qilish, 2. Solishtirmaslik, 3. Tanqid qilish kabilardir. Agar yuqorida aytilgan shartlarga rioya qilinsa, oilaviy nizolar kamayishi va ularni oldini olish mumkinligi talabalarga uqtirildi. Bundan tashqari, talabalarga o’z-o’ziga past baho berish, o’z qobiliyatlariga to’g’ri baho berish ham hayotda muhim rol o’ynashi ham aytib o’tildi. Shundan so’ng, talabalardan ayni paytda o’zgartirishni xohlagan kamchiliklarini birma-bir aytib o’tishlari so’raldi va bu kamchiliklarni tuzatish uchun alohida daftar ochib, unda kun davomida sodir bo’lgan xursand qiluvchi beshta voqeani yozib borish kerakligi tushuntirildi. Hayotda ko’proq pozitiv bo’lish, ijobiy yondashish muhimligi aytib o`tildi. Hayotda o’z-o’zimizni maqtab turishimiz shartligi, hech bo’lmaganda, kunida bir marta o’zimiz haqida yaxshi fikr aytish orqali ko’nglimizni ko’tarib turish muhim ekanligi aytildi. Bir qator hayotdagi fojeaviy holatlar kishining o’ziga nisbatan past baho berishidan kelib chiqishi va qilingan xatolardan to’g’ri xulosa chiqarish ham muhim ekanligi aytildi. Suhbatning savol-javob qismida talabalar o’zlarini qiziqtirgan savollari bilan murojaat etib, ruhshunos Zuxurova Inobat Axmedjanovnadan foydali maslahatlar oldilar. Sodiqova Gulbegim o’zining tanqidga nisbatan to’g’ri munosabat bildira olmasligi va tez jahli chiqishi, bu holatda qanday yo’l tutishi kerakligi haqida so’radi. Eshmurodova Sohiba ham ba’zi vaziyatlarda fikrlay olmasligi va fikrlashdan to’xtab qolishining sababini so’rab, tegishli maslahatlar oldi. Talabalarning barcha savollariga kerakli javoblar berildi va davra suhbati qiziqarli munozaraga aylandi. Ruhshunos mutaxassis talabalarga oila qurishda nimalarga ko’proq ahamiyat berish, oila boshqarishda ayol va erkakning roli qanday bo’lishi kerakligi bilan birga, har qanday vaziyatlardan ijobiy yondashib qaror qabul qilish kerakligi haqida maslahatlar berildi. Suhbat oxirida guruh murabbiysi Nazarova Gulbahor ruhshunosga qiziqarli suhbat uchun tashakkur bildirdi. Davra suhbati barcha talabalarga chuqur taassurot qoldirish bilan birga , ularga o’ziga bo’lgan ishonch hissini kuchaytirish va hayotda sabr-matonatli bo’lish, o’z xohish-istaklariga qarab yashash muhim ekanligi tushunildi.