Ayol – borliq ko’zgusi. Uning go’zalligi olamni charoqon etadi, chunki uning niyati pok, o’zi pok. Shu bois uni avaylab-asragan yurtning kelajagini porloq deb naql qilishadi. Shu ma’noda, buni O’zbekistonimizga va uning biri-biridan latofatli, oqila o’zbek ayollariga nisbat qilsak, xato bo’lmaydi.Bu bejiz emas. Istiqlol tufayli mehnatda baxti ochilgan ayollar juda ko’p. Ularning orasida qanchadan-qancha hunarmand onaxonlar, chevar opalar, fermer ayollar, turli-tuman kasb sohibalari bor.Davlatimizning yuksak unvonlariyu nishonlariga sazovor bo’lgan fidoyi va mehnatkash, elim deb, yurtim deb yonib yashayotgan ayollarimizning sanog’iga yetib bo’lmaydi. Ba’zan ana shunday qalb sohibalari davrasida o’zimni qo’yarga joy topolmayman. Ularga ta’zim qilgim, rahmat aytgim kelaveradi. Xotin qizlarimizni 8 mart bilan tabriklaymiz!!!
