2019 yilning 6 noyabr kuni soat 8:30 da 105-auditoriyada BuxDU Oʼzbek adabiyoti kafedrasi professori, f.f.d. Sh.N.Аxmedova tomonidan filologiya va tillarni oʼqitish (oʼzbek) yoʼnalishi 1-kurs bakalavrlari uchun “Hozirgi adabiy jarayon” fanidan “Hozirgi zamon oʼzbek romanchiligi” mavzusida ochiq (integrativ) maʼruza oʼtkazildi.Maʼruzada tarixchi olim, t.f.d.,professor Sh.Hayitov, folklorshunos olima M.Roʼzieva va oʼzbek adabiyoti kafedrasi professor-oʼqituvchilari, tadqiqotchilar ishtirok etishdi. Maʼruza turli yangi metodlar asosida yuqori ilmiy-nazariy saviyada oʼtdi. Dars davomida talabalarga mavzu yuzasidan videoroliklar va slaydlar namoyish qilindi. Mashgʼulotga taklif qilingan olimlar suhbati talabalarda qiziqish uygʼotdi.
