Oʼzbekiston “Milliy tiklanish” demokratik partiyasi Buxoro viloyat Kengashi tomonidan Buxoro Davlat universitetida joriy yilning 22 dekabr kuni parlament quyi palatasi va mahalliy Kengashlardagi deputatlik oʼrinlariga boʼlib oʼtadigan saylovda ilk bor ishtirok etadigan yoshlar va Oliygoh professor oʼqituvchilari va Iqtisodiyot va turizm fakulteti talabari bilan “Saylovlar-demokratiya koʼzgusi” mavzusida saylovoldi tashviqot-targʼibot tadbiri boʼlib oʼtdi.Tadbirni Iqtisodiyot va turizm fakulteti dekani D.SH. Yavmutov kirish soʼzi bilan ochib berdi. Partiya viloyat Kengashi raisi oʼz soʼzida OʼzMTDP joriy yilgi saylovga “Milliy tiklanishdan – milliy yuksalish sari!”, “Birmiz! Qoʼlni qoʼlga beramiz!” shiori bilan kirib borayotgani xususida toʼxtalib, uzluksiz tarbiya tizimini yaratish, parlamentni “xalq uyi”ga aylantirish, davlat tili maqomini oshirish, oʼqituvchiga qulay mehnat sharoitini yaratish kabi dolzarb masalalar partiyaning yangi saylovoldi dasturidan oʼrin olganligini alohida taʼkidladi. Darhaqiqat, yoshlar bizning kelajagimiz, millat ertasi va yurt taqdirini belgilovchi davomchilarimiz sanaladi. Ularning qanday tarbiya topishi albatta, oʼz oʼrnida mamalakat istiqboli va ravnaqini ham belgilaydi. Shu bois, farazand tarbiyasi masalasida oilaning masʼulligini oshirishimiz lozim boʼladi. Farzandlarimizning taʼlim dargohlaridan taʼlim olib, keng bilimli va erkin fikrlaydigan komil insonlar boʼlib ulgʼayishi OʼzMTDP oldida turgan eng muhim ustuvor vaziflardan biri sanaladi. Taʼkidlash joiz, davlat siyosati darajasiga koʼtarilgan yoshlar masalasiga partiyaning yangi Saylovoldi dasturida ham alohida eʼtibor qaratilgan. Tadbir davomida soʼzga chiqqanlar saylovlarda har bir fuqaro bir ovozga ega ekanligi, saylovda erkin va yashirin ovoz berilishi, saylovchilarning xohish-irodasini nazorat qilishga yoʼl qoʼyilmasligi hamda saylovga tayyorgarlik koʼrish va uni oʼtkazish ochiq , oshkora amalga oshirilishi xususida soʼz yuritishdi. Yakunida ishtirokchilar ichki va tashqi turizmni rivojlantirish borasida partiya tomonidan amalga oshirilayotgan ishlar va kelgusi rejalar, saylovga tayyorgarlik koʼrish jarayoni va partiyalarning faol ishtiroki borasida oʼzlarini qiziqtirgan barcha savollarga atroflicha javob olishdi.
