Kuni kecha, 29 oktyabr kuni “InnoWeek.Uz-2019” – innovatsion gʼoyalar haftaligi oʼz ishini boshladi. Tadbirning tantanali ochilish marosimida Fan, taʼlim, sogʼliqni saqlash va sport masalalari boʼyicha Oʼzbekiston Respublikasi Prezidenti maslahatchisi Аbdujabbor Аbduvaxitov, Oʼzbekiston Respublikasi Bosh vaziri oʼrinbosari Аziz Аbduhakimov, Oʼzbekiston Respublikasi Innovatsion rivojlanish vaziri Ibrohim Аbdurahmonov hamda Osiyo-Tinch okeani texnologiyalar transferi markazining (APCTT) rahbari Michiko Enomoto ishtirok etishdi.Innovatsion gʼoyalar haftaligi tadbirida "Faol tadbirkorlik, innovatsion gʼoyalar va texnologiyalarni qoʼllab-quvvatlash" yilida taʼsis etilgan "Innovatsion gʼoyalar yetakchisi" koʼkrak nishoni bilan Buxoro davlat universitetining “Magistratura bo`limi” boshligʼi, Mehnat taʼlimi kafedrasi dotsenti, fizika-matematika fanlari boʼyicha falsafa doktori Toʼraev Аkmal Аtayevich innovatsion gʼoya va texnologiyalarni rivojlantirish va ularni amaliyotga tatbiq etishga munosib hissa qoʼshgan yosh olim sifatida taqdirlandi.
