Buxoro davlat universitetida 6 ming 300 dan ziyod yoshlar matematika, fizika, informatika, psixologiya, o’zbek tili va adabiyoti, xorijiy tillar, astranomiya, tasviriy san’at, boshlang’ich ta’lim kabi yo’nalishlarda chuqur bilim va kasbiy ko’nikmaga ega bo’layotir. Bilim maskanining axborot-resurs markazi, komyuter va lingafon xonalari, ilmiy tadqiqot markazi, laboratoriya, keng va yorug’ o’quv xonalarida talabalarning zamonaviy ta’lim standartlari asosida puxta bilim olishi uchun barcha sharoitlar yaratilgan. 2013/2014 o’quv yilida universitetni 1 ming 521 nafar bakalavr va 71 magistr bitirdi. Tanlagan mutaxassisligi bo’yicha chuqur bilimga ega yosh kadrlar mehnat faoliyatini boshlash arafasida.
