2019 yil 14 noyabr sanasida "Gumanitar yo`nalishlarda chet tili" kafedrasi o`qituvchilari Shofirkon tuman 4-maktabga tashrif buyurdilar. Kafedra o`qituvchilari tashabbusi bilan maktabda "Kitob - ma`naviyat sarchashmasi" mavzusida bahs-munozara tadbiri tashkil etildi.Bahs munozara tadbirini maktab direktori D.S. Narzullaev ochib berdi. Gumanitar yoʼnalishlarda chet tili kafedrasi oʼqituvchisi G.H. Xamdamova tadbir shartlari bilan tanishtirdi. Tadbirni Gumanitar yoʼnalishlarda chet tili kafedrasi oʼqituvchilari N.Sh.Shukurova hamda N.M.Qayumovalar olib borishdi. Tadbir musobaqa tarzida tashkil qilindi. S.А.Samadova va N.А. Kadirovalar musobaqa hakamlari sifatida jamoalarni baholab borishdi. Musobaqada 6 guruh bellashdi. Har bir guruh oʼzlariga nom tanlab olishdi: 1-guruh: Isteʼdod,2-guruh: Jasorat, 3-guruh: Zakovat, 4-guruh: Tafakkur, 5-guruh: Maʼrifat, 6-guruh: Kamolot bo`ldi.Musobaqa quyidagi shartlar asosida olib borildi. 1-shart. Jahon va oʼzbek adabiyotining atoqli namoyondalari.Bu shartda har bir jamoa aʼzolari jahon va oʼzbek adabiyotining atoqli namoyondalari nomlarini navbat bilan birma-bir sanab oʼtishdi. 2-shart. Badiiy asarlar va ularning muallifi.Ushbu shartda guruhlar qatnashchilari asarlar nomini keltirib, ularning muallifini aytib oʼtishdi.3-shart. Mavzulashtirilgan soʼz oʼyini (chet tilida).4-shart. Chet tilida sheʼrxonlik.6 jamoa chet tilida sheʼrlar aytish boʼyicha oʼzaro kuch sinashishdi. 5-shart. Musiqiy shart.Musobaqaning oxirgi shartida jamoalar chet tilida qoʼshiqlar kuylab oʼz bilimlarini namoyon etishdi. Musobaqa yakunida toʼplangan ballar hisoblanib, 2-guruh “Jasorat” jamoasi gʼalabani qoʼlga kiritdi. Gʼolib oʼquvchilar maqtov yorligʼi bilan taqdirlandi. Musobaqa yakunida oʼquvchilar oʼzlarini qiziqtirgan mavzu boʼyicha savollar berib, ularga atroflicha javob olishdi. Tadbir oʼquvchilar kayfiyatini koʼtarib, ularda katta taassurot qoldirdi. Buxoro davlat universiteti matbuot xodimi: Javohir Saidov
