Oʼzbekiston Respublikasi Prezidenti tomonidan koʼtarilgan yoshlar maʼnaviyatini yuksaltirish va ularning boʼsh vaqtini mazmunli tashkil etish boʼyicha 5 ta muhim tashabbus doirasida Buxoro davlat universiteti Yoshlar bilan ishlash, maʼnaviyat va maʼrifat boʼlimi boshchiligida Sanʼatshunoslik, Jismoniy madaniyat, Pedagogika, Xorijiy tillar fakulteti tomonidan Buxoro shahar “Haqiqat” koʼchasida madaniy-maʼrifiy tadbir oʼtkazildi.Tadbirda tasviriy va amaliy sanʼat taʼlim yoʼnalishi talabalari tomonidan “Master klass”, Musiqa taʼlimi yoʼnalishi talabalarining jon ijro, Jismoniy madaniyat taʼlim yoʼnalishi talabalarining koʼrgazmali chiqishlari tashkil etildi. Shuningdek, Xorijiy tillar fakulteti tomonidan “5 ta muhim tashabbus” mazmun-mohiyati hamda universitetda amalga oshirilgan ishlar targʼiboti yuzasidan tayyorlangan targʼibot materialari shahrimizga tashrif buyurgan xorijlik mehmonlarga tarqatildi va talabalar tomonidan batafsil tushuntirib berildi.
