Buxoro davlat universiteti Filologiya fakulteti 6-2 UZB 19 akademik guruhi talabalari hamda guruh murabbiyi Filologiya fanlari bo`yicha falsafa doktori (PhD) Tosheva Dildora Abdumalikovna va Filologiya fakulteti o'qituvchisi G. Samandarova Buxoro shahar kar va zaif eshituvchi 123-sonli maktab-internatda xayriya tadbirini o`tkazishdi.Tadbirda O`zbekiston “Milliy tiklanish” demokratik partiyasi Buxoro viloyat kengashi devoni xodimlari, Buxoro davlat universiteti Filologiya hamda Xorijiy filologiya fakulteti professor o`qituvchilari ham ishtirok etishdi. Mehmonlar, dastlab, maktab-internat o`quvchilari tomonidan tayyorlangan amaliy san’at namunalari ko`rgazmasini tomosha qilib, tayyorlov sinfi o`quvchilari bilan muloqot qilishdi. O`quvchilar o`z iste’dodi bilan barcha mehmonlarda ijobiy taassurot qoldirishdi. 6-2 UZB 19 akademik guruhi talabalari internat o`quvchilari uchun tayyorlagan “Meni tushuning” interfaol o`yinini o`tkazishdi. Ishtirokchilarning bariga o`quv qurollari, badiiy asarlar hamda esdalik sovg`alar berildi. Tadbir so`ngida maktab-internat o`qituvchilari hamda iste’dodli o`quvchilar maxsus tashakkurnoma bilan taqdirlandi.
