Xalqaro Nobel mukofoti sovrindori, texnika fanlari doktori, professor Dan Shextman janoblari Isroil davlatining Tel-Аviv shahrida tavallud topgan boʼlib, 1996 yilda Isroil fanlar akademiyasi, 2000 yildan АQSh texnika fanlari akademiyasi, 2004 yildan boshlab esa Yevropa fanlar akademiyasi aʼzoligiga qabul qilingan yirik tadqiqotchi olimdir. Hozirda u Аyova shtatining Eyms universiteti ilmiy laboratoriyasida faoliyat olib bormoqda. Dan Shextman 2011 yilda kimyo fani yoʼnalishida xalqaro Nobel mukofoti sovrindori boʼlgan.U kimyoviy elementlar turkumi - kvazkristallar strukturasi boʼyicha qator ilmiy tadqiqotlari, amaliyotga joriy qilingan kashfiyotlar muallifidir. Kuni kecha yirik olim oʼz turmush oʼrtogʼi hamrohligida qadim shahrimizga sayohat bilan keldi. Buxoro shahrida boʼlarkan, nufuzli mehmon avvalo eski shaharda joylashgan yahudiylar Sinagogasi bilan, soʼng shahrimizning diqqatga sazovor tarixiy meʼmoriy obidalari bilan tanishtirildi. Bu obidalar haqida BuxDU "Turizm va mehmonxona xo`jaligi" kafedrasi o`qituvchisi I.O. Davronov mehmonlarga to`laqonli ma`lumot berib o`tdi. Koʼhna va hamisha navqiron shahrimizdan katta taassurotlar bilan qaytgan mehmonlarga esdalik sovgʼalari topshirildi.
