Demokratik huquqiy davlatning tashkil topishida fuqarolarning erkinliklari va huquqlarini himoya qiladigan xalqning muayyan tarixiy tajribasi, qabul qilingan xalqaro me’yorlariga javob beradigan asosiy konuni Konstitusiyaning mavjudligidir. Ushbu bosh qomusimiz – Konstitusiya qabul qilinganing 21 yilligi munosabati bilan joriy yilning 28 noyabr kuni Buxoro davlat universiteti Bosh yig’ingohida Toshkent davlat yuridik universiteti professori, yuridik fanlari doktori M.Barotov bilan davra suhbati tashkil qilindi. Davra suhbatida Tarix va Fizika – matematika fakulteti professor-o’qituvchi va talabalaridan 500 nafari ishtirok etdi. Ushbu tadbirda notiq Toshkent davlat yuridik universiteti professori, yuridik fanlari doktori M. Barotov aytganidek, - “Mustaqilligimizning dastlabki yillarida davlatimiz rahbari rahnamoligida asosiy qonunimiz ya’ni davlatimiz Konstitusiyasi insonparvarlik tamoyillari asosida vujudga kelgan. Kelajagi buyuk O’zbekistonni yaratishga hissa qo’shish shu Vatan farzandlarining zimmasiga ulkan mas’uliyat yuklaydi. Yuksak mas’uliyatni anglab, jamiyatda o’rnatilgan tartib va intizomga amal qilib yashash huquqiy davlatga xos xususiyat hisoblanadi. Shuni aytish kerakki, huquqiy davlat o’z – o’zidan bunyod bo’lmaydi. Buning uchun hayotda Konstitusiya va qonunlarning ustuvorligi ta’minlanishi kerak”. Universitetda bu kabi tadbirlarning qator o’tkazilishi talabalardagi huquqiy ong va huquqiy madaniyatning yuksalishiga, mas’uliyat va majburiyatni his qilib yashashga o’rgatmoqda. O’zbekiston Respublikasi Konstitusiyasi – oliy yuridik kuchga ega huquqiy hujjatdir. O’zbek xalqi ana shunday ulug’vor Konstitusiyaga munosib buyuk xalqdir.
