#Talaba_yoshlar_festivaliKitob mutolaasiga havas avvalo, oiladan boshlanishi, ota-onalar farzandlarida kitob o’qishga mehr uyg’otishi uchun o’zlari kitobxon bo’lishlari lozim.Shavkat MirziyoyevSakkizinchi mo’jiza sifatida e’tirof etiladigan kitob inson qalbining chinakam hamrohi, aql va fikr qayrog’idir. Yurtboshimizning yoshlar ma'naviyatini yuksaltirish va ularning bo'sh vaqtlarini mazmunli tashkil etish maqsadida ilgari surilgan beshta muhim tashabbusning to'rtinchisida kitobxonlik madaniyatini yuksaltirishga katta e'tibor qaratilgan. O'zbekiston Respublikasi Mirzo Ulug'bek nomidagi Toshkent davlat Milliy universitetida "Talabalar festivali 2019" festivalning kitobxon ishtirokchilari "Anotatsiyalar" tanlovida ishtirok etishdi.Tanlovda navoiyshunos olim, "O'zbekkino" Milliy agentligi boshqarma boshlig'i Olimjon Davlatov hakamlik qildilar. Anotatsiya yozishning asosiy talablaridan biri bo'lgan aniqlik va o'quvchini kitobga bo'lgan qiziqishni oshirish kerakligi to'g'risida hakamlar hay'ati a'zosi "O'qituvchi" noshirlik markazi bo'lim boshlig'i-shoir Habib Abdunazar tanishtirib o'tdi. Ishtirokchilarga 10ta asar konvertlarda solingan holda taqdim etildi va 20 daqiqa vaqt ajratildi. Hakamlar tomonidan saralanib, eng yuqori ball to'plagan 10 nafar talaba ikkinchi turga yo'llanmani qo'lga kiritdi.-Men bu festivalda Buxoro davlat universiteti yoshlari nomidan ishtirokim quvonchini tasvirlab bera olmayman. Festival ajoyib tarzda tashkillashtirilgan. "Anotatsiya" tanlovida ishtirok etib shu xulosaga keldimki, kitobga qiziqish kasb yoki yosh tanlamaydi. Kitobxonlik tanlovlarini ko'plab tashkil etish biz yoshlarni aqliy va ma'naviy salohiyatimizni rivojlantirishda juda katta o'rin egallaydi-deydi Salimov Ro'zibek Nasim o'g'li. Tanlovning ikkinchi turida ishtirokchilar o'zlarining sevimli asarlari yuzasidan 30 daqiqa davomida so'z yuritishdi. BuxDU yoshlar Kengashi matbuot kotibi va media guruhi rahbari Xalilova Shaxlo Ravshanovna
