Universitetimizda xalqaro ilmiy aloqalarni kuchaytirish borasida tizimli ishlar olib borilmoqda. Xususan, jahonning yetakchi universitetlaridan mashhur professorlarning tashrif buyurib, ma'ruzalar o‘qishlari, master-klasslar, seminarlar o‘tkazishlari yaxshi an'anaga aylangan. Yaqinda Fizika-matematika fakulteti o‘qituvchisi Samandar Boboyev "El-yurt umidi" jamg‘armasi stipendiati sifatida Janubiy Koreyaning KAIST (Korea Advanced Institute of Science and Technology) - Koreya ilg‘or fan va texnologiyalar institutida ilmiy stajirovkada bo‘lib qaytgandi.4-oktabr kuni esa mazkur institutning Matematika kafedrasi professori Chang-Ok Li universitetimizga tashrif buyurdi. KAIST Janubiy Koreyaning yetakchi OTMlaridan biri bo‘lib, Times reytingida 110-o‘rinda, QS reytingida esa 41-o‘rinda turadi. Shuningdek, KAIST jahondagi eng innovatsion universitetlar reytingida 6-o‘rinni egallagan. Professor Chang-Ok Lini universitetimizda xalqaro hamkorlik bo‘yicha prorektor A.Jo‘rayev kutib oldi. Bo‘lib o‘tgan suhbatda o‘zaro hamkorlik masalalari, xususan ilmiy sohada aloqalarni kuchaytirish, hamkorlikda ilmiy tadqiqotlar olib borish masalalari muhokama qilindi. Professor Li Fizika-matematika fakulteti o‘qituvchi hamda iqtidorli talabalari uchun ilmiy ma'ruzalarni boshlab yubordi. Bir necha kun davom etuvchi ma'ruza va ilmiy muloqotlar universitetimizda ilmiy faoliyatning yanada kuchayishiga yo‘l ochishi shunhasizdir. Koreyalik mehmonlar shuningdek, Buxoro davlat universiteti tuzilmasidagi Qatag'on qurbonlari xotirasi muzeyi, Buxoro davlat universiteti muzeyida bo'lishdi. Ularga batafsil ma'lumotlarni muzey direktori Azalshoh Hamroyev aytib o'tdilar.
