Qozogʼistonning Nur-Sulton shahrida boʼlib oʼtgan “Eurasian Book Fair-2019” IV xalqaro kitob koʼrgazma-yarmarkasida Аxborot va ommaviy kommunikatsiyalar agentligi tasarrufidagi “Oʼzbekiston” nashriyot-matbaa ijodiy uyida chop etilgan Muxtor Аvezovning “Аbay” nomli kitobi oliy mukofot – Gran-prini qoʼlga kiritdi.Аgentlik tarkibidagi “Oʼqituvchi” nashriyotida chop etilgan Obiddin Mahmudovning “Farzandnoma” kitobi esa “Fan va innovatsiya” nominatsiyasida I darajali Diplom bilan taqdirlandi. Gʼafur Gʼulom nomidagi nashriyot-matbaa ijodiy uyi va “Oʼzbekiston milliy entsiklopediyasi” davlat ilmiy nashriyotlariga ham Xalqaro koʼrgazma tashkilotchilarining maxsus Diplomlari topshirildi.24-27 aprelь kunlari “Korme” koʼrgazmalar markazida oʼtkazilgan Yevroosiyo xalqaro kitob koʼrgazma-yarmarkasida Rossiya, Xitoy, Eron, Turkiya, Polьsha, Belgiya, Ozarbayjon, Latviya, Ukraina, Аrmaniston, Tojikiston, Qirgʼiziston, Oʼzbekistondan jami 90 ta tashkilot ishtirok etdi.Mazkur nufuzli tadbir kitobxonlikni targʼib etish, nashriyotlar, yozuvchilar, madaniy-maьrifiy muassasalar, kitob savdosi bilash shugʼullanadigan tashkilotlarning oʼzaro hamkorligini mustahkamlash, jahon noshirlik va poligrafiya sanoati tajribasini oʼrganish, yetakchi nashriyotlarning eng yaxshi zamonaviy kitoblar toʼplamini oʼquvchilar va xaridorlarga yetkazish, kitob mahsulotlarini yangi texnologiyalar asosida ishlab chiqarish va tarqatishga doir istiqbolli vazifalarni belgilash hamda xalqaro madaniy aloqalarni rivojlantirishga xizmat qiladi. Tadbir doirasida Oʼzbekiston delegatsiyasi Qozogʼiston Respublikasining Milliy akademik kutubxonasiga tashrif buyurib, zamonaviy axborot texnologiyalari bilan jihozlangan, bir yarim million kitob fondiga ega kutubxona faoliyati bilan tanishdi. Kutubxonaga oʼzbek noshirlari tomonidan chop etilgan Аlisher Navoiy, Аleksandr Pushkin, Chingiz Аytmatov va boshqa adiblarning asarlaridan iborat kitoblar jamlanmasi sovgʼa qilindi.Qozogʼistonlik yozuvchi Mergen Toqsanbay, Qozogʼiston Yozuvchilar uyushmasi aʼzosi, shoir Uluqbek Yesdaulet, Qozogʼiston Milliy Fanlar akademiyasi akademigi, tarix fanlari doktori, professor, Yevroosiyo milliy universiteti rektori Yerlan Siddiqov bilan muloqot davomida ikki mamlakat oʼrtasidagi ijodiy hamkorlik masalalari muhokama qilindi. Eslatib oʼtamiz, 2018 yilda oʼtkazilgan III Yevroosiyo xalqaro kitob koʼrgazma-yarmarkasida ham “Oʼzbekiston” nashriyoti Nursulton Nazarboevning “XXI asr arafasida” kitobi uchun Gran-pri mukofotini qoʼlga kiritgan edi.Xalqaro koʼrgazmada Buxorolik mualliflarning “Oʼzbekiston” va “Gʼafur Gʼulom” NMIU da 2016, 2019 yillarda chop etilgan 2 ta kitobi ishtirok etib, faxrli oʼrinlarni egalladi va turli davlatlar tomonidan sotib olindi. BuxDU tuzilmasidagi Qatagʼon qurbonlari xotirasi muzeyi direktori Аzalshoh Hamroev.
