Shu yilning 24-sentabr kuni Tarix va madaniy meros fakulteti Islom tarixi va manbashunosligi, falsafa kafedrasida kafedra professor-o'qituvchilari bilan bo'lib o'tgan yig`ilishda bir qator muhim masalalar kafedra mudiri B. Namozov tomonidan ko'rib chiqildi va qilinishi muhim bo'lgan vazifalar belgilab berildi. Shu jumladan, tartib intizom o'tiladigan fanlarning taqvimiy reja asosida bajarilishi, ilmiy ishlarga chuqur e'tibor qaratish, Respublika va xorijiy jurnallar va ilmiy anjuman materiallariga maqolalar berish, shuningdek Vazirlik, universitet tomonidan berilgan qarorlar ijrosini ta'minlash, kafedrada ma'naviy-ma'rifiy ishlar samaradorligini oshirish borasida tushuncha taklif va mulohazalar bildirildi. Shuningdek, kafedra yig'ilishida kafedra mudiri B. Namozovning doktorlik ilmiy ishi muhokamaga qo'yildi. Ilmiy ish muhokamasini kafedra dot. A. Sharipov olib bordi. Mavzu: "Xoja Muhammad Parsonning gnoseologik va antropologik ta'limoti" deb nomlangan. Kafedra mudiri dotsent B. Namozov ilmiy ishning mazmuni to'g'risida batafsil ma'lumot berdi. Kafedra professor-o'qituvchilari mavzu bo'yicha o'z savol va takliflarini birma-bir berishdi taqrizchilardan falsafa fanlari doktori H. Salomova, dotsentlar O.Sharipova va A. Sharipovlar so'zga chiqib, ilmiy ish bo'yicha o'z fikr mulohazalarini, ko'rsatma va takliflarini berdilar. Buxoro davlat universiteti Matbuot kotibi Otabek Jalolov
