O‘zbekiston “Adolat” SDP Buxoro viloyat Kengashi, Buxoro Davlat universiteti, Kogon shahar Adliya bo’limi va “Oila” ilmiy-amaliy tadqiqot markazi Jondor tuman Kengashi bo’limi bilan hamkorlikda “Yuksak huquqiy madaniyat – qonun ustuvorligining garovi” mavzusida davra suhbati tashkil etildi. Tadbirda tashkilot xodimlari, ta’lim dargohi o’qituvchi va yoshlari ishtirok etishdi. Tadbirda Oliy Majlis Qonunchilik palatasi deputati Qodir Jo’raev so‘zga chiqib, yoshlarning huquqiy madaniyati, huquqiy ongi va siyosiy savodxonligini oshirish borasida o’z fikr va mulohazalarini bildirdi. Shuningdek, bugungi kunda qabul qilinayotgan har bir me’yoriy hujjatning ahamiyati hamda kelajak avlod egalari uchun yaratilayotgan ulkan imkoniyatlar to’g’risida fikr bildirdi.O’zbekiston Respublikasi Prezidentining 2019 yil 9 yanvardagi “Jamiyatda huquqiy ong va huquqiy madaniyatni yuksaltirish tizimini tubdan takomillashtirish to’g’risida”gi farmon mazmun-mohiyati borasida ham to’xtalib o’tib, yoshlarning huquqiy madaniyatini shakllantirish masalalariga e’tiborni qaratdi.Kogon shahar Adliya bo’limi va “Oila” ilmiy-amaliy tadqiqot markazi Jondor tuman bo’limidan tashrif buyurgan ma’ruzachilari tomonidan oilaning har bir a’zosi o’z huquqiy ta’lim-tarbiyasiga e’tibor qaratishi hamda bu masalaga barcha birdek mas’ul ekanligi aytib o’tildi. Bu borada olib borilayotgan targ’ibot ishlari, tashviqot materiallarining ahamiyati hamda amaliy natijalari to’g’risida ta’kidlandi.Maftuna Jomurodova, tasviriy san’at va muhandislik grafikasi ta’lim yo’nalishi 2-bosqich talabasi:Tadbir davomida so’zga chiqqan tasviriy san’at va muhandislik grafikasi ta’lim yo’nalishi ustoz hamda murabbiylari tomonidan fikrlar bildirildi. Oilada, ta’lim maskanlarida huquqiy madaniyatni rivojlantirish, turli salbiy illatlarga qarshi kurashish, yoshlarning siyosiy bilimini rivojlantirishga barcha birdek mas’ul ekanligi ta’kidlandi.
