Buxoro davlat universiteti jamoasida o‘zining mehnati, talabchanligi, kattalarga hurmati-yu shogirdlarga izzati bilan tanilgan, tinib-tinchimas olima, tajribali pedagog Abuzalova Mehriniso Qodirovnani ko‘pchilik taniydi, biladi va ehtirom qiladi. Mehriniso Qodirovna 2018-yilning 27- iyunida “Substantsial morfologiya, valentlik va sintaktik qurilma” mavzusida doktorlik dissertatsiyasini himoya qilgan edi.Abuzalova Mehriniso Qodirovna OO‘MTV tomonidan tasdiqlangan 2ta darslik(hammualliflikda) va 1ta elektron darslik (hammualliflikda), 5ta o‘quv qo‘llanma (hammualliflikda), 8ta usuliy qo‘llanma va yuzdan ortiq ilmiy maqolalar muallifi. Sermahsul olima Abuzalova Mehriniso Qodirovna BuxDU Ilmiy Kengashida kafedra professori lavozimiga tayinlandi. Bu nafaqat olimaning, balki o`zbek tilshunosligi kafedrasining muvaffaqiyatidir.