Buxoro davlat universiteti faollar yig`ingohida 30-aprel kuni Xorijiy tillar fakulteti Ingliz tilshunosligi kafedrasi filologiya va tillarni o’qitish yo’nalishida tahsil olayotgan talaba qizlar tomonidan tashkil etilgan “Dugonalar shou” tadbiri bo’lib o’tdi.Prezidentimizning yoshlarning musiqa, rassomlik, adabiyot, teatr va san’atning boshqa turlariga qiziqishlarini oshirish, iste’dodini yuzaga chiqarish va ularning bo’sh vaqtini mazmunli tashkil etish bo’yicha 5 ta tashabbusining 1-tashabbusiga yo’naltirilgan mazkur tadbirda talaba qizlar o’z chiqishlarini adabiyot, musiqa va teatr yo’nalishlari bilan bog’ladilar. Talabalar U. Shekspir ijodidan ingliz tilida monologlar o’qildi, jonli ijroda musiqa kuylandi, talabalarning hayotida uchrab turadigan holatlarni satira janrida sahna ko’rinishlari qo’yib berildi. Tadbirda Xorijiy tillar fakulteti dekani M.M. Jo’rayeva, Ingliz tilshunosligi kafedrasi mudiri Z.I.Rasulov , Ingliz tilshunosligi va ingliz adabiyotshunosligi kafedralari o’qituvchilari hamda fakultet talabalari ishtirok etdilar. Tadbir so’ngida faol qatnashgan talabalar faxriy yorliq va badiiy adabiyotlar bilan taqdirlandilar.
