O’zbekiston Respublikasi Prezidentining 2018 yil 18 dekabrdagi PQ-4063-sonli qarori bilan tasdiqlangan “2019-2022 yillarda yuqumli bo’lmagan kasalliklar profilaktikasi aholining sog’lom turmush tarzini qo’llab quvvatlash va jismoniy faolligini oshirish chora-tadbir dasturi”ning 16-bandi belgilangan vazifalar ijrosi hamda Viloyat hokimi o’rinbosarining 2019 yilning 18 apreldagi 2/1790-6 sonli yig’ilish bayoni ijrosini ta’minlash maqsadida Buxoro davlat universiteti Turizm fakulteti talabalari bilan “Biz giyohvandlikka qarshimiz” shiori ostida davra suhbati bo’lib o’tdi.Davra suhbatida viloyat narkologiya dispanseri mutaxassisi vrach narkolog B.Samadov, universitet “Ibn Sino salomatlik maskani” ma’rifat markazi rahbari G.Murotova “Ekologiya” kafedra o’qituvchisi, R.Sharafutdinova, “Turizm” kafedrasi o’qituvchisi G.Xidirova, S.Ro’ziyev va 3-3XS-17, 3-2TUR-18, 3-1XC-18 guruh talabalari ishtirok etdilar. Davra suhbatida ishtirok etgan talabalar OITS, giyohvandlik profilaktikasi to’g’risida ma’ruzachilarga qator savollar bilan murojaat qildilar va mutaxassislar tomonidan yetarlicha javob oldilar.
