10-aprel: An’anaga aylanib qolgan tonggi yig‘ilishda Buxoro davlat universitetining yoshlar bilan ishlash bo‘yicha prorektori A.Kadirov prorektorlar, fakultet dekanlari va bo‘lim boshliqlari bilan har kungi berilayotgan topshiriqlar ijrosi va kelgusida qilinishi lozim bo‘lgan masalalar haqida gapirdi.O‘quv ishlari bo‘yicha BuxDU prorektori D.Durdiyev har bir fakultet taqsimot bo‘yicha xo‘jalik shartnomalari borasida ma’lumot berayotganini alohida ta’kiblab, bu masalani nihoyasiga yetkazishni so‘radi. Jumladan, har bir fakultet o‘z prospektini yaratishi, unda fakultet to‘g‘risidagi zarur ma’lumot va yo‘nalishlar aks etishi lozim-dedi. Ilmiy ishlar va innovatsiyalar bo‘yicha prorektor O.Qahhorov esa universitetimiz rektori tashabbusi bilan har kuni tongi 800da prorektorlar, dekanlar va bo‘lim boshliqlari bilan o‘tkazilayotgan yig‘ilishdan maqsad topshirilgan vazifalarning ijrosi o‘z vaqtida bajarilishi, bugungi kunda universitet hayotida yuz berayotgan voqealardan jamoa xabardor bo‘lishi, oliygohda o‘tkazilayotgan tadbirlarni OnLine saytda yoritib borilishidan iborat-dedi. Rektorimiz ta’biri bilan aytganda qolgan ishga qor yog‘ar. Hammamizdan davr nafasini his qilgan holda ishlash talab etiladi.Shuningdek, yig‘ilishda moliya ishlari bo‘yicha prorektor O.Raximov, o‘quv ishlari boshqarmasi boshlig‘i M.Ergashev va ta’lim sifati nazorati rahbari D.Yavmutovlar ham berilgan topshiriqlardan kelib chiqib fikr-mulohazalari hamda takliflarini bildirdilar. Mannon OtaboyBuxDU matbuot kotibi
