BuxDUda xuddi shu mavzuda ma’naviy-ma’rifiy tadbir bo‘lib o‘tdi. Uni Buxoro davlat universitetining Yoshlar bilan ishlash bo‘yicha prorektori A.Kadirov kirish so‘zi bilan ochib, mavzu bilan tadbir ishtirokchilarini tanishtirdi.O‘zbekiston Respublikasi Oliy va o‘rta maxsus ta’lim vazirligi hamda O‘zbekiston yoshlar ittifoqi Markaziy Kengashi tomonidan tasdiqlangan “Oliy va o‘rta maxsus ta’lim vazirligi tizimida 2019-yilda Yoshlarga oid davlat siyosatini amalga oshirish bo‘yicha chora-tadbirlar dasturi”ning ijrosini ta’minlash maqsadida joriy yilning mart-aprel oylari davomida O‘zbekiston Respublikasi Davlat xavsizlik xizmati, O‘zbekiston Respublikasi Bosh prokuraturasi, Madaniyat vazirligi, Din ishlari bo‘yicha qo‘mita, Respublika Ma’naviyat va ma’rifat markazi, O‘zbekiston yoshlar ittifoqi, “Oila” ilmiy-amaliy tadqiqot markazi, O‘zbekiston musulmonlari idorasi, Rus Pravoslav cherkovi Toshkent va O‘zbekiston yeparxiyasi hamda O‘zbekiston xalqaro islom akademiyasi bilan hamkorlikda ta’lim muassasalarida professor-o‘qituvchilar va talaba-yoshlar o‘rtasida seminar, davra suhbatlari, ma’naviy-ma’rifiy uchrashuvlar o‘tkazib kelinmoqda.Bugun dunyoning turli burchaklarida urush olovlari alanga olmoqda. Har xil ekstremistik kuchlarning bunday o‘yinlari natijasida begunoh insonlar, onalar va go‘daklar qurbon bo‘layotir. Allohga shukrki, bizning yurtimizda tinchlik hukm surmoqda. Ushbu ne’matni qadriga yetmagan ayrim ekstremistik oqimlar jamiyatdagi ijtimoiy-ma’naviy muhitga ta’sir o‘tkazishga urinmoqdalar. Bunday tadbirlardan ko‘zlangan maqsad ham ogohlikni yanada kuchaytirish, atrofimizdagi xodimlariga loqayd bo‘lmaslik, turli din vakillarini hurmat qilgan holda do‘stona munosabatda bo‘lmoqdan iboratdir-dedi prorektor.Haydar Yo‘ldoshxodjayev – Mir Arab oliy madrasasi rektori:Ayrim oqimlar milliy qadriyatlarimiz gultoji bo‘lgan Navro‘zi olamni nishonlashni, ulug‘lashni ham noto‘g‘ri hisoblashmoqda. Axir Navro‘z xayru baraka, saxovat va mehr-oqibat bayrami emasmi? Navro‘z yangilanish, obodlik va go‘zallik tantanasi emasmi? Yetim-yesirlar, nogironlar holidan xabar olish, ko‘chalar va qabristonlarni obodonlashtirish, bir-birini dilini og‘ritganlar Navro‘zda yarashmaydilarmi? Bu qutlug‘ kunda hatto qir-pichoq bo‘lib turgan davlatlar urushlarini ham to‘xtatib turganlarini tarixdan yaxshi bilamiz.Bunday go‘zal va latofatli bayram yana qayda, qaysi yurtda bor.Ayni kunda yoshlarimiz uchun davlatimiz barcha shart-sharoitlarni yaratib bermoqda. Izlanuvchan va iqtidorli yoshlarimiz ko‘p. Ular xalqaro olimpiadalarda, sport arenalarida davlatimiz ishonchini oqlab kelmoqdalar. Shuni ham ta’kidlash kerakki, hozirgi kunda islom niqobi ostida ekstremistik oqimlar yoshlarimiz ongini zaharlashga urinmoqda.Bu nafaqat yoshlarimizga, mustaqilligimizga ham tahdiddir. Bunday yosh g‘oyalardan ehtiyot bo‘lib, atrofimizda ro‘y berayotgan voqea-hodisalarga befarq bo‘lmasligimiz kerak. Oilada, maktabda, oliygohlarda yoshlarimiz bo‘sh vaqtlarini samarali tashkil etish, ularni foydali mashg‘ulotlarga jalb etishga e’tibor qaratish lozim, deb o‘ylayman.Petrov Leonid Valerevich – “Xram Svyatogo Arxangela Bojiya Mixaila” rus pravoslav cherkovi ruhoniysi:Ko‘z o‘ngimizda dunyoning geopolitma, iqtisodiy va ijtimoiy, axborot-kommunikatsiya manzarasidagi chuqur o‘zgarishlar, turli mafkuralar tortishuvining keskin tus olib borayotganligi, barchamizga ayon. Fikrga qarshi fikr, g‘oyaga qarshi g‘oya, jaholatga qarshi ma’rifat bilan kurashish har qachongidan ko‘ra muhim ahamiyat kasb etmoqda.Achinarlisi shundaki, g‘araz maqsadli kimsalar ongi hali shakllanib ulgurmagan, tajribasiz, g‘o‘r yoshlarni o‘z tuzog‘iga ilintirib, ulardan o‘zlarining iflos va jirkanch maqsadlari yo‘lida foydalanishmoqda. Bu esa islom obro‘sizlantirishga urinish imkoniyatini yaratyapti. Ammo, islom tinchlik dinidir. U hech qachon urushni targ‘ib qilmagan. Qachonki, talabalar bilimi, ilimi yuqori bo‘lsa, din haqidagi tushunchalari yuksak bo‘lsa ular aslo ekstremistik oqimlar ta’siriga tushib qolmaydilar, aksincha ularga qarshi kurashadilar.Men aniq bilamanki, shu kunga qadar biron marotaba O‘zbekistonda diniy masalada nizo bo‘lmagan. Bu muqaddas tuproqda qaysi millat vakili yashamasin ularga bir xil munosabatda bo‘linadi. Barcha millat vakillari o‘z e’tiqodiga ega, o‘z milliy qadriyat va an’analarini saqlab kelmoqda. Bunday bag‘rikeng mamlakat va millat dunyoda yo‘q, desak mubolag‘a bo‘lmaydi. Siz yoshlar ana shu buyuk an’analar davomchisiga aylaning.Fyodorov Sergey Borisovich – “Avliyo Apostol Andrey” Rim katolik cherkovi ruhoniysi:O‘zbekiston Respublikasi Konstitutsiyasining 31- moddasida belgilanganidek, “Hamma uchun vijdon erkinligi kafolatlanadi. Har bir inson xohlagan dinga e’tiqod qilish yoki hech qaysi dinga e’tiqod qilmaslik huquqiga ega. Diniy qarashlarni majburan singdirishga yo‘l qo‘yilmaydi”. Konstitutsiya asosida qabul qilingan “Vijdon erkinligi va diniy tashkilotlar to‘g‘risida”gi qonun 5-moddasi 3-bandiga muvofiq:“Davlat diniy konfessiyalar o‘rtasidagi tinchlik va totuvlikni qo‘llab-quvvatlaydi. Bir diniy konfessiyadagi dindorlarni boshqasiga kiritishga qaratilgan xatti-harakatlar (prozelitizm), shuningdek boshqa har qanday missionerlik faoliyati man etiladi. Ushbu qoidaning buzilishiga aybdor bo‘lgan shaxslar qonun hujjatlarida belgilangan javobgarlikka tortiladilar”.Demoqchimizki, diniy bag‘rikenglik borasida ko‘pgina davlatlar O‘zbekistondan o‘rnak olsa arziydi. Millatlararo totuvligimizga ko‘z tegmasin.Abdulfattoh Abdumalikov – Mir Arab oliy madrasasi 1-kurs talabasi:Musulmon odam hech qachon ekstremist bo‘lmaydi. Dinning asosida qotillik, razolat, nafrat yotmaydi. Yaqinda Yangi Zelandiya davlatida bo‘lib o‘tgan noxush holat barchamizni larzaga soldi. Bu o‘zini musulmonman degan insonning ishi emas. Bu zalolatni bir din doirasida baholash noto‘g‘ri, u iblislarning dini ham, millati ham yo‘q. Bular yo‘ldan adashgan inson qiyofasidagi nokaslardir. Biz har qaysimiz o‘z ta’lim dargohimizda yaxshi ta’lim-tarbiya olib, barkamol inson bo‘lib yetishsak, hech qachon bizdan yomonliklar chiqmaydi, vatanparvar inson bo‘lib yetishamiz.Ha, Yurtimizdagi tarixan shakllangan millatlararo va dinlararo birodarlik, og‘a-inilik tuyg‘ulari ko‘klar uchun havasdir. Illoho, do‘stligimizga, tinchligimizga ko‘z tegmasin.Erkin muloqot shaklida tashkil etilgan tadbirdan talabalar o‘zlariga kerakli ma’lumotlarga ega bo‘ldilar. Ko‘plab savollariga ham javob oldilar.Azam Jumayev,Yoshlar bilan ishlash, ma`naviyat va ma`rifat bo`limi boshlig`iMannon Otaboy,BuxDU matbuot kotibi
