«Kitob - beminnat ustoz. Har daqiqa u bizni donishmandlarning bilim xazinasi bilan oshno eta oladi», deb yozadi buyuk shoir va mutafakkir Mir Alisher Navoiy. Ma’lumki, aholining intellektual va ma’naviy-estetik ehtiyojini qondirish, xususan, yoshlarni mustaqil fikrlaydigan, mustahkam hayotiy pozitsiyaga ega, chinakam vatanparvar va ma’nan barkamol insonlar qilib tarbiyalashda kitobning o‘rni beqiyosdir. Prezidentimiz olg'a surgan kitob aksiyasini Buxoro viloyat Kamalak raisi Madina Baratova hamda Buxoro davlat universiteti talabasi Muxammadjon Kamildjanovlar davom ettirishdi. Ular o'zlari o'qigan Buxoro shahar 22-maktab kutubxonasiga 40 dan ortiq o'zbek va jaxon adabiyotiga oid badiiy kitoblarni sovg'a qilishdi. -Bugungi axborot asrining ilg’or texnologiyalarisiz kunlarimizni tasavvur qilolmamasak-da, tengdoshlarimiz orasida kitobga oshno bo’lgan yoshlarning borligi quvonarli holdir, - deydi Yoshlar ittifoqi faoli Muxammadjon Kamildjanov. Ko’cha ko’yda, transportlarda qo’llarida kitob tutgan insonlarni ko’rib quvonamiz.-Prezidentimiz boshlab bergan tashabbuslari har tomonlama yetuk, barkamol avlod tarbiyalashga xizmat qiladi. Biz yoshlar bu tashabbusni har tomonlama qo`llab-quvvatlaymiz. Zilola Po'lotova BuxDu talabasi
