Yaqinda Turizm fakultetida Yevropa Ittifoqining Erasmus+ dasturi doirasidagi "CACTLE - Central Asian Centers of Teaching, Learning and Entrepreneurship (Markaziy Osiyoda o‘qitish, o‘rganish va tadbirlorlik markazlari)" loyihasi yakunlangan edi.Loyiha muvaffaqiyatli yakunlangan bo‘lsa-da, uni amalga oshirish jarayonida qo‘lga kiritilgan malaka va ko‘nikmalar, ishlab chiqilgan o‘quv-uslubiy materiallardan o‘quv jarayonida samarali foydalanib kelinmoqda.Masalan, 11-aprel kuni "Turizm" kafedrasi o‘qituvchisi, loyiha ishtirokchisi Javlon Tohirov tomonidan fakultet o‘qituvchilari uchun ilmiy-amaliy seminar tashkil etildi. Seminarda J.R.Tohirov tomonidan "Talabalar bilimini baholashning ilg‘or uslublari” mavzusida taqdimot muhokama qilindi.Bunday ilmiy-amaliy seminarlar Turizm fakultetida doimiy ravishda o‘tkazilib kelinmoqda. Ularning asosiy maqsadi - ta’lim sifatini oshirish, ta’limda ilg‘or xorij tajribalarini qo‘llash, talabalarning o‘zlashtirish samarasini oshirish, o‘qituvchilar ma’ruza va amaliy mashg‘ulot darslarini o‘tishda zamonaviy interfaol usullarni qo‘llashlarini jonlashtirish bo‘lib, tajribali professor-o’qituvchilar tomonidan master-klasslar, taqdimotlar taqdim etilmoqda, bahs-munozaralar o‘tkazilmoqda.Mannon OtaboyBuxDU matbuot kotibi
