Buxoro davlat universiteti 2018-2019 o`quv yili (bakalavriat ta’lim yo`nalishlari va magistratura ixtisosliklari bo`yicha) bitiruvchilarini ta’lim muassasalari, korxona va tashkilotlarga ishga taqsimlash va tavsiya etish bo`yicha universitetda “Karyera kuni-2019” mehnat yarmarkasi o`tkazilishini ma’lum qiladi.Yarmarkada Siz korxonangiz (muassasa, tashkilot) uchun zarur, o`z ta’lim yo`nalishi bo`yicha qo`yilayotgan kasbiy talablarga to`liq javob beradigan, zamonaviy axborot texnologiyalaridan foydalanish malakasiga ega bo`lgan hamda chet tillarni mukammal biladigan, ta’lim bozorida raqobatbardosh kadrlar bilan shartnoma tuzish imkoniyatiga ega bo`lasiz. “Karyera kuni-2019” tadbirida bitiruvchilarni korxonangiz (muassasa, tashkilot) faoliyati bilan yaqindan tanishtirish maqsadida korxona faoliyatini yorituvchi tegishli ko`rgazma jihozlari va vakant joylari to`g`risidagi ma’lumotlar bilan ishtirok etilshi maqsadga muvofiq bo`lar edi.Mehnat yarmarkasi 2019 yil 14 mart kuni soat 9:00 dan 14:00 gacha Universitet bosh binosi 1-qavatida o`tkaziladi. Qo`shimcha ma’lumotlarni 221-29-14, 221-27-49 telefonlari orqali va internetdagi www.buxdu.uz saytidan olishingiz mumkin.