Buxoro davlat universitetida talabalarning kasbiy mahoratini oshirish maqsadida davomli taribda o`quv mashg`ulotlarini bevosita professor o`qituvchilar ishtirokida turistik soha infrastrukturasi ob`yektlarida o‘tkazib kelinmoqda. Mana bugun ham turizm yo`nalishi talabalari bilan turizmda mehmonxona xizmatlarining ahamiyatini tushuntirish va amalda ko`rsatish maqsadida Buxoroning eski shahar qismida joylashgan KAVSAR mehmonxonasiga tashrif buyurdik.Mehmonxonada BuxDU Turizm fakulteti o`qituvchisi Otabek Azimov tomonidan talabalarga berilgan mavzu yuzasidan nazariy va amaliy tushunchalarni keltirib o`tdilar. Viloyatimizdagi mavjud mehmonxonalarda ko`rsatilayotgan xizmatlarning xalqaro standartlarga mos kelishi, mehmonxonalarga quyiladigan umumiy talablar to`g`risida ham ma’lumotlar berildi. Talabalar uchun albatta bu kabi amaliy mashg`ulotlar juda ham zarur.Bundan tashqari, mehmonxona xodimlari ham bu yerda ko`rsatilayotgan xizmatlar borasida batafsil tushuntirish berdilar hamda ilm-u toliblarni qiziqtirgan savollarga to`liq javoblar qaytardilar. Mashg‘ulot so‘nggida talabalar uchun mehmonxona nomerlariga kiziqarli ekskursiya tashkil qilindi, yana bir marta sohaning o`ziga xos tomonlari izohlab berildi.Mannon Otaboy BuxDU matbuot kotibi
