Prezidentimiz tashabbuslari bilan maktablarga kitob sovg‘a qilish aksiyasi butun respublikamiz bo‘ylab qanot yoydi. Ezgu xabarlar, ezgu ishlar ana shunday tez tarqaladi.Buxoroda ham ushbu aksiya to‘xtovsiz davom etmoqda. Kuni-kecha Buxoro davlat universiteti rektori, professor-o‘qituvchilari Kogon tumanidagi “Taraqqiyot” mahallasi kutubxonasiga 400 dan ortiq badiiy kitoblar sovg‘a qildi. Unda Kogon tuman hokimi Yo‘ldosh Jumayev va mahalla ahli ishtirok etib, universitet jamoasiga o‘z minnatdorchiliklarini bildirdilar.Xuddi shuningdek universitet jamoasi Buxoro shahridagi “Piridasgir” mahalla fuqarolar yig‘iniga ham 200 ta kitob hadya etdilar. Ushbu tadbirda Buxoro shahar hokimi o‘rinbosari Asror Hayitov qatnashib, otaxon oliygoh rahbariyatiga bunday ezgu ishlari uchun tashakkur bildirdi.Bundan tashqari universitetning har bir professor-o‘qituvchilari o‘zlari tahsil olgan maktablariga 10 tadan kitob sovg‘a qilishni niyat qildilar.Quyosh yer yuziga o‘z nurini sochganidek, kitob farzandlarimiz ko‘ngliga ezgulik nurini sochadi. Agar har birimiz ushbu aksiyani qo‘llab-quvvatlasak, bu nur mamlakatimiz baxt-u saodatiga aylanishi shubhasiz.Mannon Otaboy,BuxDU matbuot kotibi
