Kecha Buxoro davlat universitetining Tarix va Madaniy meros fakulteti Buxoro tarixi ta’lim yo`nalishi 1-kurs talabalariga «Buxoro tarixi» kafedrasi o`qituvchisi tarix fanlari nomzodi Feruza Bobojonova «Buxoro Mang‘itlar davrida» mavzusidagi ma’ruza mashg‘ulotini Buxoro davlat muzeyi qo‘riqxonasi Ark viloyat o‘lkashunoslik muzeyida o‘tkazdi.Bunday amaliy dars birinchi bora bo‘layotganini hisobga olsak, katta yangilikdir. Uning samarasi shundaki, talaba berilayotgan ma’lumotlarni o‘z ko‘zi bilan ko‘radi, o‘sha narsa haqida tasavvuri uyg‘onadi, to‘g‘rirog‘i o‘sha davrni chuqurroq his qiladi.Qolaversa darslarda Tarix va madaniy meros fakulteti dekani O‘tkir Ochilov hamda muzey ilmiy xodimlari, bo‘lim boshliqlari ham ishtirok etgani mashg‘ulotni yanada qiziqarli bo‘lishini ta’minladi.Shuni ham alohida ta’kidlash kerakki, muzey xodimlari bilan bunday tajriba almashish darslarni yuqori darajada o‘zlashtirishga va ilmiy salohiyatni oshirishga xizmat qiladi.Mannon OtaboyBuxDU matbuot kotibi
