Buxoro davlat universiteti rektori Obidjon Xamidov 15-aprelda kunning ikkinchi yarmida oliygohning tayanch doktorantura (PhD) va doktarantura (DSc) yo‘nalishida tahsil oluvchi ilm toliblari bilan uchrashdi.Universitetda 21 ta ixtisoslik bo‘yicha falsafa doktori (PhD), 7 ta ixtisoslik bo‘yicha fan doktori (DSc) ochilgan bo‘lib, ularda 54 nafar tayanch doktorant (PhD) lar, 2 nafar fan doktori (DSc) faoliyat ko‘rsatmoqda.Rektor o‘z ma’ruzasida doktorantlar oldida turgan mas’uliyat vazifalarga to‘xtaldi. Universitet ilmiy salohiyatini rivojlantirish uchun ilm-fan sohiblariga, ayniqsa yosh olimlarga barcha shart-sharoitlar yaratilganini ta’kidlab, ularni faolikka chorladi. Ilmiy ishlar qachon amalga oshadi, qachonki ulkan yutuqlarga erishgan, dunyoga mashhur olimlarning ilmiy ishlarini, dissertatsiyalarini o‘rganish orqali. Buning uchun tinimsiz izlanish, fidoyilik bilan ilm ummoniga sho‘ng‘ish darkor. Kerak bo‘lsa ular bilan hammualliflikda SCOPUS, WEB of SCTENCE kabi dunyo olimlari tan olgan jurnallarda maqolalar chop etish, ilmiy ishlaridan namunalar chiqarish mualliflarga katta imkoniyatlar yaratishi ham alohida ta’kidlandi. Bu maqolalar rus yoki ingliz tillarida bo‘lishi zarur. Ana shundagina biz nafaqat mamlakatimizning ichki reytingida, dunyo reytingida ham o‘zimizning munosib o‘rnimizni topamiz.Rektor mas’ullarga 56 nafar doktorantlarni uch guruhga bo‘lib, ular uchun barcha moddiy-texnik bazaga ega xona tayyorlash hamda maxsus seminarlar va mashg‘ulotlar olib borishni tayinladi. Mannon OtaboyBuxDU matbuot kotibi
