Jismoniy baquvvat, ma’nan etuk bo‘lish o‘z qo‘limizda. Go‘zal va jozibali hayotni istasangiz BuxDU tashabusiga ergashing.Buxoro davlat universitetida har haftaning Shanbasi “Sog‘lomlashtirish kuni” deb e’lon qilingan. Uni tartibli va samarali o‘tkazishga shaxsan rektor va prorektorlar talabalarga namuna bo‘lmoqdalar.Ya’ni har shanba kuni universitet o‘yingohida to‘g‘rirog‘i, ochiq osmon ostida badan tarbiya mashg‘ulotlari o‘tkazilmoqda.Bugungi mashg‘ulotda ham BuxDU rektori A.To‘laganov boshchiligida 700 dan oshiq o‘qituvchi va talabalar ishtirok etdilar.Bunday sog‘lomlashtirish mashqlari yurtimiz ertasi bo‘lgan yoshlarni sog‘lom, ma’nan yetuk bo‘lgan barkamol avlod bo‘lib kamol topishlariga xizmat qiladi – deydi yoshlar yetakchisi F.Nurullayev.Mashg‘ulotlarni BuxDUning Jismoniy madaniyat fakulteti o‘qituvchilari olib borishmoqda. Bu ishga va o‘qishga otlanayotgan o‘qituvchi va yoshlarga ko‘tarinki kayfiyat baxsh etishi shubhasiz. BuxDU matbuot kotibiMannon Otaboy
