Bugun BuxDU katta yig‘ingohida talabalar 4 ta shart bo‘yicha “Milliy qadriyatlar-ma’naviyat beshigi” mavzusida bellashdilar.Birinchi shartda talabalar o‘zbek va boshqa xalqlarning o‘ziga xos qadriyatlarini namoyish qildilar. O‘zlarining guruhlari nomlanishi, shiori, qiziqishlari hamda kelajakdagi rejalarini ham tomoshabinlarga tanishtirdilar. Hakamlar hay’ati talabalarning ilmiy salohiyati, nutq va kiyinish madaniyati, imidji hamda faoliyatlari mazmuniga ham e’tibor qaratdilar.Ikkinchi “O‘zbekona milliy taomlar qadriyatlar manbai” deb nomlangan shartda har bir guruh o‘zbek va boshqa xalqlar milliy taomlari tarixi, yaratilishi to‘g‘risida ma’naviy-badiiy merosdan namunalar ijro etishdi. Sahna asaridagi ishtirokchilarning ijrosi, uning ta’limiy-tarbiyaviy ahamiyati baholashda katta rol o‘ynaydi.Uchinchi shartdan “Qadim qadriyatlar tarovati” o‘rin oldi. Ya’ni hakamlar hay’ati tomonidan tanlangan tematika bo‘yicha guruhlar xalq og‘zaki ijodidan namunalar keltirdilar. Bunda guruhlarning zukkoligi, tezkorligi, javoblarni matndan topib, unga ilmiy asos berishlari baholash mezoniga aylandi.To‘rtinchi shart erkin mavzu bo‘lib, to‘g‘rirog‘i “Teatr pedagogikasi tarbiya manbai” deb nomlanganligi e’tiborimizni tortdi. Bunda har bir guruh erkin mavzu yuzasidan birorta tarixiy voqeani ifodalashga harakat qildi. Qaysi guruhning ijro etgan asarining tarbiyaviy ahamiyati yuqori bo‘lsa, dekoratsiyasi yaxshi bo‘lsa baholari ham ko‘kka bo‘y cho‘zdi.To‘rtta shart bo‘yicha g‘olib chiqqan jamoalar qimmatbaho sovg‘a va faxriy yorliqlar bilan taqdirlandilar. Mannon OtaboyBuxDU matbuot kotibi
