Buxoro davlat universiteti O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasining 2018-yil 7-sentyabrdagi 353-sonli buyrug‘iga asosan 2018-yilning 10-23-sentyabr kunlari attestatsiyadan o‘tkazilgan edi.Universitetning mavjud 41 ta bakalavr ta’lim yo‘nalishlari va 20 ta magistratura mutaxassisliklaridan bitiruvchilari mavjud bo‘lgan 35 ta ta’lim yo‘nalishi, 15 ta mutaxassislik hamda oliy o‘quv yurtidan keyingi ta’lim ixtisosliklari jalb qilindi.Attestatsiya komissiyasining xulosasiga ko‘ra “Buxoro davlat universiteti attestatsiyadan o‘tdi” deb e’tirof etildi.Mazkur xulosaga ko‘ra Ta’lim sifatini nazorat qilish davlat inspeksiyasining 2018-yil 24-noyabrdagi buyrug‘iga asosan 2019-yilning 5-mart kuni Buxoro davlat universitetiga oliy ta’lim maqomiga mosligi hamda oliy o‘quv yurtidan keyingi ta’lim institutiga mosligi to‘g‘risida davlat akkreditatsiyasi sertifikatlari berildi.
