Yangi rektor mahkam bel bog`ladiBugun soat 10-00 da Buxoro davlat universitetida rektoroldi yig‘ilishi bo‘lib o‘tdi. Yig‘ilishda BuxDU prorektorlari, fakultet dekanlari, kafedra mudirlari, o‘quv boshqarmasi hamda bo‘lim boshliqlari bilan bir qatorda Toshkent davlat iqtisodiyot universiteti rektori, prorektorlari, shuningdek o‘ndan oshiq professor-o‘qituvchilari ishtirok etdilar. Kecha xabar berganimizdek mehmonlar BuxDUga tajriba almashish, o‘rganish va tavsiyalar berish maqsadida tashrif buyurishgan.Yig‘ilishni olib borgan BuxDU rektori Obidjon Xamidov o‘z so‘zida Prezidentimizning yaqinda Buxoroga qilgan tashrifida qadimdan bu ko`kna zaminda ilm-fan taraqqiy etganligi, bugungi ilmiy salohiyat ham yuksak darajaga ko‘tarilishiga e’tibor qaratish zarurligini ta’kidlaganliklarini esga olib o‘tdi. – Ana shu ma’noda uzoq tarixga ega Buxoro davlat universiteti viloyatda ilm-fan rivoji va taraqqiyotida lokomativ rolini o‘tashi kerak. Universitetimizda boshqa oliygohlar o‘rganadigan jihatlar ham bor, ammo bizning ham zamonaviy ta’limda ravon yo‘lga tushib olgan universitetlardan o‘rganadigan yo‘nalishlar va sohalarimiz juda ko‘p.Shu ma’noda o‘zaro tajriba almashish maqsadida Toshkent davlat iqtisodiyot universiteti bilan shartnoma imzoladik, - dedi rektor.Shundan so‘ng Toshkent davlat iqtisodiyot universiteti rektori Bahodir Yunusovich Hodiyev so‘zga chiqib, agar Buxoro davlat universitetida zamonaviy ta’lim tizimini rivojlantirishga hissa qo‘shaolsak xursandmiz - dedi. Shuningdek, ushbu hamkorlik uzoq davom etishni ham ta’kidladi. Mannon OtaboyBuxDU matbuot kotibi
