Buxoro davlat universiteti rektori Obidjon Xamidov prorektorlar bilan birgalikda universitetdagi har bir fakultet, dekanat, kafedra va bo‘limlar bilan tanishib, kafedralarning o‘quv yo‘nalishi, mutaxassislar tayyorlash jihatlaridan kelib chiqib moddiy-texnik ta’minoti, o‘quv dasturlari, hujjatlarning yuritish tartiblari bilan tanishdi.Xalqaro hamkorlik bo‘limi boshlig‘i xorijiy oliygohlar bilan tuzilgan hamkorlik borasidagi mavjud loyihalarni jadallik bilan nihoyasiga yetkazish, aniq asoslangan yangi loyihalar ustida ishlash, ayni kunda mamlakatimiz va viloyatimiz uchun dolzarb bo‘lgan yo‘nalishlarda kadrlar tayyorlashga e’tibor qaratish zarurligini ta’kidladi.Universitet binosida faoliyat olib borayotgan Yapon markazi faoliyati bilan tanisharkan, prorektorlarga bu markaz ishini kengaytirish, kerak bo‘lsa universitet o‘qituvchilarini o‘qitish va ular orqali til o‘rganishni kuchaytirish, qolaversa BuxDU tarkibida Yapon tili markazini tashkil etish masalasini topshirdi. Yaqinda Yaponiyadan kelayotgan nufuzli delegatsiya bilan bog‘lanib, kun chiqar mamlakatidagi oliygohlar bilan BuxDU o‘rtasida yapon tilini o‘rgatish yo‘nalishida o‘zaro hamkorlik shartnomalari tuzish to‘g‘risida ham tavsiyalar berdi. Zero, turizm markazlaridan biriga aylanib borayotgan Buxoro uchun xorijiy tillarni puxta biladigan mutaxassis kadrlarga talab ortib bormoqda.BuxDU huzuridagi pedagogik kadrlarni qayta tayyorlash va ularning malakasini oshirish mintaqaviy markazi ham katta salohiyat bilan faoliyat olib boryapti. Markaz direktori Adizov universitet rektori Obidjon Xamidovni markaz faoliyati, o‘quv va kompyuter xonalari bilan tanishtirdi. Tanishuv jarayonida markaz direktoriga sifatli ta’limni zamon talablari darajasiga ko‘tarish borasida yana qaysi jihatlarga e’tibor berish zarurligi to‘g‘risida mulohazalar bildirdi.Rektor fizika-matematika fakultetida ham bo‘ldi va kerakli maslahatlar berdi. Berilgan tavsiyalar asosida prorektorlarga bir qator topshiriqlar berildi. Mannon OtaboyBuxDU matbuot kotibi
