Oliy va o‘rta maxsus ta’lim vazirligi Prezidentimizning mamlakatimizda turizmni rivojlantirish borasidagi qaror-farmonlaridan, tavsiya va ko‘rsatmalaridan kelib chiqib, gidlarni tayyorlash kursini tashkil etgandi. Kursga poytaxtdagi oliygohlardan xorijiy tillarda benuqson gaplasha oladigan, boy madaniy meros va tariximizni yaxshi biladigan iqtidorli talabalarning 60 nafari saralab olingan.Shu kunlarda ular guruh rahbari Oliy va o‘rta maxsus ta’lim vazirligining ma’naviyat va ma’rifat markazi xodimi Norin Raxmonov boshchiligida yurtimizning turizmi rivojlangan Samarqand, Buxoro va Xiva shaharlarida nazariy amaliyotlarini o‘tash uchun yurishibdi. Ayni kunda guruh a’zolari Buxoroda bo‘lib turishibdi. Kecha Buxoro davlat universitetining kichik yig‘ingohida mehmonlar seminar tashkil etildi. Guruh a’zolariga BuxDUning Yoshlar masalalari bo‘yicha prorektori A.Kadirov, dotsent G‘olib Qurbonov hamda o‘qituvchi Shavkat Bobojonovlar Buxoroning madaniy va tarixiy obidalari, san’ati, osori-atiqalari, shuningdek hunarmandchiligi to‘g‘risida ilmiy ma’lumotlar berishdi. Bundan tashqari kurs toliblari o‘zlarini qiziqtirgan barcha savollarga javob olishdi.Nazariy seminar tugagach guruh a’zolari amaliy mashg‘ulotlarga chiqishdi. Amaliy mashg‘ulotlarni oliy toifali gidlar M.Hamroyeva, M.Toirovalar sharif shaharning Samoniylar maqbarasi, Chashmai Ayub, Ark Qo‘rg‘oni, Qush madrasa, Mag‘oki Attoriy va Labi hovuz majmualari bo‘ylab olib borishdi.Kurs talabalari bugun Buxoro viloyatidan qo‘nim topgan Yetti pir ziyoratiga chiqib ketishdi. Mannon OtaboyBuxDU matbuot kotibi
