Buxoro iqtisodiyot va bank kolleji viloyatdagi salohiyatli va faol kollejlardan biridir. Kollejda yetuk mutaxassislar tayyorlash uchun barcha shart-sharoitlar mavjud: 50 ta fan xonasi, 5 ta laboratoriya, 8 ta kompyuter sinf xonasi, o‘yingoh, kutubxona, 240 o‘rinli oshxona, sportzal va 400 o‘ringa mo‘ljalangan 4 qavatli yotoqxona talabalar xizmatida. Bu yerda bank ishi, buxgalteriya hisobi, moliya, menejment, turizm va kompyuter injenering yo‘nalishlarida mutaxassislar tayyorlanadi.Mazkur kollejda “Ta’lim, iqtisodiyot, turizm sohalarida strategik islohotlarni amalga oshirish muammolari va yechimlari” mavzusida ilmiy anjuman bo‘lib o‘tdi. Uni tashkil etishda Buxoro davlat universitetining ko‘magi katta bo‘ldi. BuxDU turizm fakulteti dekani A.Jo‘rayevning va turizm kafedrasi mudiri H.Hamroyevlarning anjumandagi chiqishlari shundan dalolat beradi.Buxoro davlat universitetining Xalqaro aloqalar bo‘limi rahbari M.Qilichev taklifi bilan O‘zbekiston-Yaponiya markazi koordinatori Sh.Maxmudov, Yaponiya Xalqaro hamkorlik agentligi xodimi Suzuki Saki, Vakayama universiteti turizm tadqiqot markazi vakili Takiya Fuji, Germaniyaning Vilgelm Vestfaliya universitetidan tashrif buyurib, BuxDUning nemis-fransuz tillari kafedrasida amaliyot o‘tab turgan o‘qituvchisi L.Bartelslar ham mavzu yuzasidan fikr-mulohazalar bildirdilar. O‘zbekiston va uning qadimiy shaharlari sayyohlar uchun eng go‘zal maskan, o‘zbeklarning milliy urf-odat va an’analari hech bir mamlakatda uchramasligi va ular noyobligi, jozibadorligi bilan ajralib turishini alohida ta’kidladilar.Mehmonlarning ma’ruzalari, turizmni rivojlantirish yo‘nalishidagi maslahatlari talabalar va sohaga qiziquvchilarga katta taassurot qoldirdi.Mannon OtaboyBuxDU matbuot kotibi
