2018-yilning 18-19 oktabr kunlari Toshkent shahrida o‘tkazilgan “Rossiya-O‘zbekiston ta’lim forumi” doirasida Buxoro davlat universiteti va Rossiya Federatsiyasining Lomonosov nomidagi Moskva davlat universiteti, Rossiya yangi universiteti, Moskva pedagogika davlat universiteti o‘rtasida imzolangan shartnomalar asosida tuzilgan “Yo‘l xaritalari”ning tegishli bandlarining ijrosini amalga oshirish maqsadida Buxoro davlat universitetining delegatsiyasi 2019- yilning 22-29-yanvar kunlari Moskva shahriga tashrif buyurishdi.Moskva davlat pedagogika universiteti tarkibidagi Jismoniy madaniyat instituti rahbariyati bilan uchrashib, “Yo‘l xaritasi”da aks ettirilgan bandlar birgalikda muhokama etildi. Qolaversa, BuxDU delegatsiyasi o‘sha kunlari mazkur institutda Rossiya-Qozog‘iston-Belorus davlatlari mutaxassis olimlari ishtirokida o‘tkazilgan “Современные вектори развития образования: актуальные проблемы и переспективные решения” mavzusidagi Xalqaro ilmiy-amaliy anjumanda ham ishtirok etishdi.28-yanvar kuni esa “Jismoniy madaniyat” ta’lim yo‘nalishi bo‘yicha qo‘shma ta’lim dasturini tashkil etish, ikkala oliy ta’lim muassasalari hamkorlikda ilmiy-amaliy anjumanlar o‘tkazish, tegishli ta’lim yo‘nalishlari uchun o‘quv adabiyotlarini yaratish bo‘yicha kelishuvlarga erishdilar.SHuningdek, Lomonosov nomidagi MDUning tashqi aloqalar bo‘yicha prorektori Yu.Mazey qabulida ham yo‘l xaritasida belgilangan vazifalar bo‘yicha muzokaralar olib borildi. Muzokaralar natijasi o‘laroq Psixologiya fakulteti rahbariyati, kafedra mudirlari ishtirokida psixologiya ta’lim yo‘nalishi va sport psixologiyasi mutaxassisligi bo‘yicha qo‘shma ta’lim dasturini 2019-2020- o‘quv yilida amalga oshirishga kelishib olindi.Bundan tashqari buxorolik delegatsiya a’zolari MDUda o‘tkazilgan “Xalqaro talabalar kuni” tadbirlariga ham qatnashdilar.Ushbu universitetning psixologiya fakultetiga tashrif davomida esa kafedralar o‘quv jarayoni bilan tanishildi hamda o‘quv adabiyotlarini birgalikda yaratish borasida yaratish rejalari ham tuzildi.BuxDU delegatsiyasining Rossiya oliygohlariga tashrifi ana shunday samarali o‘tdi.Jumladan, 23-yanvar kuni Rossiya yangi universiteti rektori V.A.Zernov bilan uchrashuv jarayonida “Kompyuter tizimlari”, “Amaliy matematika”, “Informatika va hisoblash texnikasi” ta’lim yo‘nalishlari loyihalarini ro‘yobga chiqarish bo‘yicha ikki tomonlama bitim ham imzolandi.Ushbu loyihalarni amalga oshirish maqsadida mehmonlar delegatsiyasi BuxDUga tashrif buyuradi.Hozirgi kunda Yo‘l xaritasida belgilangan chora-tadbirlar, shuningdek ta’lim dasturlarini amalga oshirish bo‘yicha aniq takliflar tayyorlanib, hamkorlar bilan amaliy ishlar olib borilmoqda. BuxDU matbuot kotibiMannon Otaboy
