Orolbo’ydagi ekologik halokat oqibatlarini yumshatish borasidagi tashabbuslar va sa’y-harakatlarni qo’llab-quvvatlash bo’yicha joylardagi jamoatchilik vakillarining takliflarini hisobga olgan holda hamda mintaqada ekologik holatni va aholining yashash sharoitlarini yaxshilash maqsadida O’zbekiston Respublikasi Vazirlar Mahkamasining Farmoyishi qabul qilindi. Mazkur farmon ijrosini ta’minlash maqsadida 26 yanvar kuni umumxalq ekologik xayriya hashari bo’lib o’tdi. Ushbu hasharda Buxoro davlat universitetining o’qituvchi, talabalar va ishchi-xizmatchilari ham faol ishtirok etishdi. Hashar davomida universitet hududida tozalash va obodonchilik ishlari amalga oshirildi. Hududdagi daraxtlar oqlandi, erlar yumshatildi, xazonlar va shox-shabalardan tozalandi. Hasharda ayniqsa, filologiya fakulteti talabalari faollik ko’rsatishdi. El boshiga ish tushganda chetda turish tyaxshi emas, biz ham orolbo’yi aholisiga yordamga shaymiz. Zero, oroldan ko’tarilayotgan zararli mikroelementlar Buxoroga ham etib kelayapti deydi filologiya fakulteti dekani Anvar Haydarov. Darvoqe, o’zbekistonliklar bir jonu bir tan bo’lib ekologik hashar tashabbusi bilan chiqishdi. Bu tabiiy ofat keltirayotgan zarar oqibatlarini hech bo’lmasa kamaytirishga xizmat qiladi.
