Ma’lumki, Respublika miqyosida yoshlar o‘rtasida 1-fevraldan 1-martgacha giyohvandlikka qarshi kurash oyligi o‘tkazib kelinmoqda.Shu munosabat bilan 5-fevral kuni Buxoro davlat universitetida ham "Biz giyohvandlikka qarshimiz" mavzusida tadbir bo‘lib o‘tdi. Unda O‘zbekiston Respublikasi Vazirlar Mahkamasi huzuridagi narkotik moddalarni nazorat qilish Milliy markazi, Ichki ishlar vazirligi hamda Buxoro viloyat ichki ishlar boshqarmasi mas’ul xodimlari, shahardagi “Fatxobod” masjidi imom xatibi, universitet professor-o‘qituvchilari va talabalar, OAVlari vakillari ishtirok etdilar.Bizning barcha xodimlarimiz Giyohvandlikka qarshi kurash oyligini samarali o‘tkazish maqsadida respublikamizdagi mavjud oliygohlar, litsey-kollejlarda, joylardagi Yoshlar ittifoqi tashkilotlari bilan mahallalardagi uyushmagan yoshlar o‘rtasida targ‘ibot tadbirlarini olib borishmoqda-deydi Vazirlar Mahkamasi huzuridagi narkotik moddalarni nazorat qilish Milliy markazi mas’ul xodimi Zahiriddin Usmonov. – Bugun ana shunday tadbirlardan birini Buxoro davlat universitetida o‘tkazyapmiz. Biz o‘zini oqlamagan tadbirlardan qochgan holda, yoshlarni o‘ziga jalb qilaoladigan yo‘llarni izlayapmiz. Ya’ni ular bilan erkin muloqot qilish, giyohvandlikni oldini olish borasidagi fikrlarini, takliflarini tengdoshlari davrasida muhokama qilgan holda xulosalar chiqarish imkoniyatlaridan foydalanishga harakat qilyapmiz. Ko‘plab talabalar berayotgan takliflar tadbir mohiyatini yanada chuqurroq ochib berishga, bu “asr vabosi”ning salbiy oqibatlarini kengroq tushunib yetishga xizmat qilayotir. Ma’ruzabozlikdan ko‘ra erkin muloqot yoshlarni faolikka undamoqda.Universitetning Psixologiya tal’limi yo‘nalishi 3-kurs talabasi Elnur Elmurodov:Giyohvandlik-inson uchun koni zarur. Odam umrini qisqartiradi va o‘lim bilan tugaydigan, da’vosi yo‘q darddir-deydi “Tasviriy san’at va muhandislik grafikasi” fakulteti talabasi Jomuradova Maftuna.Mutaxassislarning fikr-mulohazalaridan so‘ng Ichki ishlar vazirligi tomonidan real voqealar asosida tayyorlangan “Ajalga eltuvchi yo‘l” deb nomlangan videorolik namoyish etildi. Yoshlarga yaxshi va yomon yo‘llarni ajratishga, kerakli xulosalar chiqarishga imkon yaratdi.Tadbir so‘ngida BuxDUning ma’naviy va ma’rifiy ishlar bo‘yicha prorektori Arif Kadirov rang-tasvir ko‘rkazmasi g‘oliblariga universitetning faxriy yorliqlarini topshirdi.BuxDU matbuot kotibiMannon Otaboy
