1991 yil 18 noyabr kuni “O‘zbekiston Respublikasining Davlat bayrog‘i to‘g‘risida”gi Qonun qabul qilingan edi. Bu sana yurtimizda juda keng nishonlanadi. Bayrog‘imiz har birimizga g‘urur va iftixor baxsh etadi. Ayniqsa, uning dunyo sahnalarida hilpirashi yuraklarimizni junbushga keltirib, ko‘zimizga yosh qalqiydi. Bu g‘urur bo‘lmay nima?17 noyabr kuni BuxDUning katta zalida oliygohning Maktabgacha va boshlang‘ich ta’lim fakultetining Boshlang‘ich ta’lim yo‘nalishi 4-3 BTU-13 guruhi talabalari tomonidan “Bayroqqa sadoqat-yurtga sadoqat” mavzusida ma’rifiy-badiiy tadbir o‘tkazdilar.Tadbirni fakultet dekanining ma’naviy-ma’rifiy ishlar bo‘yicha o‘rinbosari Nigora Safarova ochib berdi.Shuningdek talabalarni shonli kun bilan Maktabgacha ta’lim kafedrasi dotsenti Sabit Avezov, Boshlang‘ich ta’lim kafedrasi o‘qituvchisi Ra’no Rajabovalar ham qutlashdi. Bayrog‘imiz tarixi, uning qabul qilishi va bugungi kuch-qudrati haqida fikr-mulohazalar bildirishdi.Bundan tashqari tadbirda guruh talabalari bayrog‘imizga bag‘ishlangan she’rlar, buyuk insonlarning hikmatli so‘zlaridan o‘qishdi, sahna ko‘rinishlari namoyish etishdi. Ushbu tantana barcha ishtirokchilarga manzur bo‘ldi.Mannon OtaboyBuxDU matbuot kotibi
