Yurtimizda yoshlarning puxta bilim, mukammal kasb-hunar egallashlari, kelajakda o‘z sohasining yetuk mutaxassislari bo‘lib yetishishlari uchun yetarlicha imkoniyatlar yaratib berilmoqda. Bu yoshlarimizga tashabbus va qanot baxsh etmoqda. Buni BuxDU talabalari misolida ham ko‘rish mumkin. Buxoro davlat universitetida bo‘lib o‘tayotgan “Yoshlar haftaligi”ning 3-kuni ham o‘z nihoyasiga yetdi. “Yoshlar haftaligi” “Maktabgacha va boshlang‘ich ta’lim”fakulteti talabalari tomonidan talabalar turar joyida fakultet ma’naviy-ma’rifiy ishlar bo‘yicha dekan o‘rinbosari Nigora Safarova, universitet yoshlar yetakchisi Feruz Nurullayev, fakultet yetakchisi Aziza Husenova, fakultet media guruh rahbari Zilola Po‘latova hamda faol va iqtidorli talabalar ishtirokida tashkil etilgan “Mohir qo‘llar” ko‘rgazmasi bilan yakuniga yetdi. Ko‘rgazmada fakultet talabalari o‘z qo‘llari bilan tayyorlagan ishlari bilan qatnashishdi.-Talabalarning iqtidori, mahoratini ko‘rib to‘g‘risi, hayratlandim,-deydi fakultet ma’naviy-ma’rifiy ishlar bo‘yicha dekan o‘rinbosari Nigora Safarova. Bunday ko‘rgazmalarni yanada ko‘proq tashkil qilib, barcha talabalarni jalb qilishga harakat qilamiz.Bugungi ko‘rgazma yoshlarning qiziqishlari bo‘yicha bilim va ko‘nikmalar berish bilan birga ularni izlanishga, bo‘sh vaqtlaridan samarali foydalanishga va yot g‘oyalar ta’siridan saqlashga xizmat qiladi. Kelajakda bu iqtidor egalari o‘z sohasining yetuk mutaxassislari bo‘lib yetishishlari bilan birga, Vatan istiqboli uchun o‘z hissalarini qo‘shishlariga shubha yo‘q. Mannon OtaboyBuxDU matbuot kotibi
