Bir piyola choyni oilamiz davrasida, shirin suhbat chog‘ida ichar ekanmiz, albatta, shu totli onlar, farovon turmush, qalbimiz xotirjamligi uchun shukrona aytamiz. Bu bebaho ne’matlarni bizga istiqlol berdi. Asosiy Qomusimiz esa baxtimiz poydevori bo‘ldi.Darhaqiqat, bu hujjat yurtimiz osoyishtaligi, xalqimiz farovon hayotining mustahkam huquqiy asosi bo‘lib xizmat qilayotir.Bugun Buxoro davlat universiteti "Maktabgacha va boshlang'ich ta'lim" fakulteti talabalari tomonidan O'zbekiston Respublikasi Konstitutsiya qabul qilinganligining 26 yilligiga bag'ishlangan "Taraqqiyotimiz va farovonligimiz kafolati" deb nomlangan tadbir bo'lib o'tdi. Tadbirda fakultet dekani B.J.Umarov, ma'naviy-ma'rifiy ishlar bo'yicha dekan o'rinbosari Nigora Safarova va fakultet o'qituvchilari ham ishtirok etdilar.- Konstitutsiyamiz orqali bilim olish, erkin kasb tanlash, malakali tibbiy xizmatdan foydalanish, orzu-istaklarimiz ro‘yobini ko‘rish imkoniyati paydo bo'ldi - deydi fakultet dekani B.Umarov. Ko'p asrlik tarixiy tajriba shundan dalolat beradiki, jamiyatning haqiqiy boyligi inson. Konstitutsiya esa insonlarning huquq, burch va mas'uliyatlarini belgilovchi asosiy hujjatdir.Konstitutsiyamizga bag`ishlangan tadbirda ijro etilgan sahna ko'rinishlari, badiiy chiqishlar barchada yuqori kayfiyat bag'ishladi. Zilola Po`latova BuxDU talabasi
