Joriy yilning 22-noyabrida BuxDU faollar zalida Psixologiya kafedrasi professor-o`qituvchilari hamda talabalari tomonidan "Xalqaro Psixologlar kuni" munosabati bilan tadbir tashkil qilindi.Tadbirni Buxoro davlat universiteti rektori A.A.To'laganov ochib berdi. Shundan so`ng Psixologiya kafedrasi mudiri Sh.R.Barotov so`zga chiqib tadbirni bellashuv tarzida tashkil qilinganini aytib o`tdi va “Fenemenon”, “Tafakkur”, “Motivator” jamoalarini taklif qildi. Jamoalar 4 shart (1-shart – Tanishtiruv, 2-shart – Dolzarb psixologik mavzu, 3-shart – Ko`rgazmali materiallar asosida, 4-shart – Savol-javob) bo`yicha o`zaro bellashdilar.Bellashuvga BuxDU rektori A.A.To'laganov, Pedagogika fakulteti dekani E.M.Muxtorov, Psixologiya kafedrasi mudiri Sh.R.Barotov, BuxDU yoshlar yetakchisi F.F.Nurullayev hakamlik qildilar.Talabalarning qiziqarli chiqishlari barchani mamnun qildi. Bellashuv natijasiga ko`ra 1-o`rin 3-kurs talabalaridan tashkil topgan “Fenemenon”, 2-o`rin 1-kurs talabalaridan tashkil topgan “Motivator”, 3-o`rin “Tafakkur” jamoasiga nasib etdi. Shuningdek, tadbirda Pedagogika fakulteti talabasi Amrullayev Nurillo Bobur o'g'li Xalqaro psixologlar akademiyasi diplomi bilan taqdirlandi.
