O‘zbekiston “Adolat” SDP Buxoro shahar Kengashi “Yosh adolatchilar” qanoti va Buxoro davlat universiteti tashabbusi bilan partiyaning “Vatan kelajagi yoshlar qo‘lida” loyihasi doirasida “Giyohvandlik – umr zavoli” mavzusida davra suhbati tashkil etildi. Tadbirda partiya viloyat, shahar Kengashi xodimlari, ta’lim dargohi o‘qituvchilari, Buxoro viloyat narkologiya dispanseri vakillari va yoshlar ishtirok etishdi.Tadbirdan ko‘zlangan maqsad yoshlarni turli zararli illatlardan himoya qilish, ularga giyohvand moddalar, giyohvandlikning turlari haqida tushuncha berish, ushbu salbiy illatning asoratlari, oqibatlari haqida ma’lumot, berilib, so‘zga chiqqan har bir notiq kelajagimiz egalariga salbiy illatga qarshi kurashishning tarbiyaviy ahamiyati haqida ham to‘xtalib o‘tdi.Buxoro viloyat narkologiya dispanseri targ‘ibot va tashviqot ishlari bo‘yicha bosh shifokor o‘rinbosari Azamat Fayzievning ma’lumotiga ko‘ra, viloyatda 2018-yil davomida giyohvandlikka chalingan shaxslarni aniqlash va dispanser nazoratiga olish bo‘yicha birlamchi kasallanish pasaygan. Jumladan, 2017-yilda giyohvand moddasi bilan kasallanganlar soni 223 nafarni bo‘lsa, joriy yilda 90 nafarni tashkil etadi. Viloyat Narkologiya dispanseri tomonidan 12459 nafar o‘smir narkologik tibbiy ko‘rikdan o‘tkazildi. Olib borilgan profilaktik ishlar natijasida o‘smirlar dispanser ro‘yxatida mavjud emas. Giyohvandlikka chalinganlarning 6 nafari ro‘yxatga olingan bo‘lsa, 137 nafari ro‘yxatdan chiqarildi. Tadbir davomida partiya Buxoro shahar Kengashi xodimlari partiya tomonidan yoshlarning siyosiy ongi va tashabbusini oshirish maqsadida qilinayotgan amaliy ishlar, ko‘rik tanlovlar haqida ma’lumotlar berishdi.Giyohvandlikning oqibati haqidagi videorolik esa barchani o‘z hayoti va taqdiriga nisbatan beparvolik bilan qaramaslikka chaqirdi. Davra suhbati so‘ngida yoshlar o‘zlarini qiziqtirgan savollariga soha mutaxassislari va partiya xodimlari tomonidan javob olishdi. Sharofat Sobirova,Buxoro davlat universiteti o‘qituvchisiPartiya faoli.
