Buxoro davlat universiteti va Fukuoka prefekturasi ta’lim masalalari bo’yicha tadqiqot markazi o’rtasida tuzilgan bitimga ko’ra tanlov asosida Yaponiyada bir oylik o’qishga yuboriladigan talaba aniqlanishi kerak edi.Shu maqsadda O’zbekiston-Yaponiya markazida Buxoro davlat universitetining Yapon tilini biladigan talabalari o’rtasida tanlov o’tkazildi. Tanlov yakunlariga ko’ra Filologiya fakulьteti Ingliz tili filologiyasi ta’limi yo’nalishi 3-kurs talabasi Sidiqa Abdurahmonova g’oliblikni qo’lga kiritdi.Endi S.Abdurahmonova Buxoro davlat universiteti talabasi sifatida Yaponiyaning Fukuoka tadqiqot markazida bir oy davomida bilimlarini oshirib qaytadi.“Til bilgan el biladi” – deganlari shu bo’lsa kerak-da. Sidiqa – yutuq muborak! Mannon Otaboy,BuxDU matbuot kotibi