Ayrim internet nashrlari tomonidan Buxoro davlat universiteti “Axborot-resurs markazi” Islom Karimov asarlarini makalaturaga topshiryapti, degan yolg’on xabar tarqatildi.Xalqimiz va ayniqsa ziyoliylarimizning O’zbekistonning Birinchi Prezidentiga bo’lgan hurmat-e’tibori cheksiz ekanligini butun dunyo ahli yaxshi biladi. Tarqatilgan xabar ana shu hurmat va e’tirofga putur etkazishga urinishga o’xshaydi. Shuni alohida ta’kidlamoqchimizki bunday urinishlar hech qanday samara bermaydi. Bizni soxta va yolg’on xabarlar bilan chuv tushirish vaqti o’tdi.Bu xabar qaerdan paydo bo’ldi o’zi? Mamlakatimizda juda katta islohotlar amalga oshirilyapti. Aholining sarson-sargardonligini oldini olish, og’irini engil qilish maqsadida Prezidentimizning 2017 yil 12 dekabrda “Aholiga davlat xizmatlari ko’rsatishning milliy tizimini tubdan isloh qilish chora-tadbirlari to’g’risida”gi farmoni va 2017 yil 12 dekabrdagi “O’zbekiston Respublikasi Adliya vazirligi huzuridagi Davlat xizmatlari markazi faoliyatini tashkil etish to’g’risida”gi qarori qabul qilingandi. Natijada barcha hududlarda Davlat xizmatlari agenligi tashkil etildi.Ularni aholiga ko’rsatadigan xizmat turlarining kengayib borishi inobatga olinib, viloyat hokimlariga joylardagi Davlat xizmatlari markazlarini qulay va shinam binolar bilan ta’minlash vazifasiga yuklatildi.Prezidentimizning yuqoridagi farmon va qarorlaridan kelib-chiqib Buxoro viloyat hokimligida 2018 yil 29 mayda o’tkazilgan yig’ilish (01.06.2018 yildagi 1/185-sonli) bayoniga ko’ra Buxoro davlat universitetiga qarashli Buxoro shahar B.Naqshband ko’chasi 168-uyda joylashgan “Axborot resurs markazi” bino va inshootlari Davlat xizmatlari markazini joylashtirish uchun Buxoro shahar hokimligi balansiga o’tkazildi. SHu munosabat bilan mazkur “Axborot resurs markazi” binosidagi kutubxona fondi, uning asosiy vosita va inventarlari Buxoro davlat universitetining boshqa binosiga ko’chirildi.Ko’chish yo’lidagi harakatlarni noto’g’ri tushungan ayrim “uchar”lar jarayonni suratga olib kitoblar makalaturaga topshirilyapti, talabalar majburiy ishlatilyapti, deya soxta va yolg’on xabarlar tarqatishgan.Holbuki, I.Karimov kitoblari Buxoro davlat universitetidagi “Axborot-resurs markazi”ga olib kelingan. Ayni kunda Birinchi Prezidentimizning BuxDU “Axborot-resurs markazi”da 258 ta elektron variantda, 12 ming dona 252 nomdagi (o’zbek, rus, hatto ingliz tillarida) asarlari mavjud. Bu asarlar mushtariylar va talabalar tomonidan sevib o’qilmoqda.Demoqchimizki, ichi puch xabarlar bilan bunday muhabbatni so’ndirolmaysiz. M.To’xtayevBuxDU matbuot kotibi
