Talabalar shuningdek, don, ildizmevali sabzavot, poliz ekinlari, mevali hamda rezavor-mevali ekinlarni, kartoshka, uzum barcha qishloq xo‘jalik ekinlari hamda ularni yetishtirish texnologiyasini o‘rganish hamda kasallik va zararkunandalariga qarshi kurashda ularni o‘rganib o‘zlashtirgan bo‘lishi zarur. Shu bois ham talabalar ma’ruza va amaliy mashg‘ulotlarda olgan nazariy bilimlarini malakaviy amaliyot bilan bog‘lab borish lozim.
Malakaviy amaliyot o‘quv jarayonining tarkibiy qismi bo‘lib, uning maqsadi talabalarni ochiq dalada qishloq xo‘jalik ekinlar kasalliklari va zararkunandalari turlari, begonao‘tlar bilan hamda o‘simliklarni himoya qilish laboratoriyalarida kasallik va zararkunandalar bilan kurashish usullari, qishloq xo‘jalik ekinlari qator oralariga ishlov berish hamda agrotexnik tadbirlari hamda o‘simliklarni himoya qilish maqsadida, zооlоgik bilim tuprоqdа sоdir bo‘lаdigаn o‘zgаrishlаrni, turli хil biоlоgik jаrаyonlаrni tushuntirishdа, o‘simliklаrni himоya qilishdа, hаyvоnоt оlаmini himоya qilishdа, ulаrdаn оngli rаvishdа to‘g‘ri fоydаlаnish, mikroorganizmlar o‘simlik va tuproq o‘rtasidagi munosabatlar uyg‘unligi, hamda tuproq mikroflorasining faoliyati va uning qishloq xo‘jaligi o‘simliklari hosildorligini oshirishdagi ahamiyatini, qishloq xo‘jalik ekinlariga kasallik qo‘zg‘atuvchi mikroorganizmlarni tuzilishini, tarqalishini, o‘simlik, mikroorganizmlar va tuproq o‘rtasidagi zanjir va ularning o‘zaro ta’siri, tabiatda moddalarni aylanishida, o‘simlik o‘sish va rivojlanishini yaxshilashda, chirish, bijg‘ish, oksidlanish jarayonlarida mikroorganizmlar faoliyatini, kasallikni kelib chiqish sabablarini kasal o‘simlik va patogen o‘rtasidagi munosabatlarning qonuniyatlari, kasallikni oldini olish choralarini hamda ularga qarshi kurash tadbirlarini amalda ko‘rish jarayonlarni o‘z ichiga oladi.
Malakaviy amaliyoti Buxoro viloyat o‘simliklar karantini va himoyasi boshqarmasi ish faoliyati bilan tanishish, Buxoro viloyat o‘simlik karantini himoyasi fitosanitar laboratoriyasi faoliyati bilan tanishish, „Buxoro Varnet“ korxonasi, „Akademik Mahmud Mirzayev nomidagi bog‘dorchilik, uzumchilik va vinochilik“ ilmiy-tadqiqot instituti Buxoro filiali, Agronomiya va biotexnologiya fakulteti o‘quv tajriba xo‘jaligi, , "Buxoro Servis Agroklaster" MCHJ, O‘zbekiston Respublikasi O‘simliklar karantini va himoyasi agentligi Respublika agrokimyoviy tahlil markazi Buxoro viloyati agrokimyoviy tahlil markazida o‘tkaziladi.
Amaliyot bo‘yicha rahbarlik Agronomiya va tuproqshunoslik kafedrasi professor o‘qituvchilari tomonidan amalga oshiriladi.
Amaliyot boshlanishi oldidan dekanat va tegishli kafedralar tomonidan mehnatni muhofaza qilish, texnika xavfsizligi, ishlab chiqarish sanitariyasi, amaliyotni borishi, kun tartibi kundalik yuritish, amaliyot daftari tutish va hisobotlarga oid tushuntirishlar o‘tkaziladi. Amaliyot kun tartibi korxona-tashkilot rahbariyati bilan kelishilgan holda tashkil qilinadi.
Korxona va amaliyot rahbarlari talabalarni amaliyot dasturi va kundalik rejimlarda ko‘rsatilgandek, qishloq xo‘jalik ishlari bilan ta’minlashlari lozim.
Amaliyot jarayonida o‘qituvchi (rahbar) talabalar faoliyatini tekshirishi bilan birga, har bir tadbirni bajarish hajmi va sifatini aniqlab, talabalarning ko‘nikma hamda mahoratini baholaydi.
Amaliyot davomida talabalar mehnatga jiddiy va mas’uliyat bilan yondashishlari hamda ish qurollari, texnika va boshqa vositalarga ehtiyotkorlik bilan qarashlari zarur.
Talabalar muntazam ravishda har bir ish kunining oxirida kundalik daftariga (ilovalar) tadbir, shu kungi mavzularning nomi, ahamiyati, bajarilish tartibi, hajmi, sifati va boshqalarini yozib, fotorasmlar bilan boyitib boradilar.
Ishlab chiqarish amaliyotiga rahbarlik qiladigan o‘qituvchi talabalarning kundalik bajargan ishlari hajmi, sifati va boshqa xususiyatlarini tahlil qilgan holda belgilab boradi. Shuningdek, talabalarning har bir texnologik jarayonda qatnashishlarini ta’minlaydi. Yuzaga kelgan muammo va masalalarni tegishlicha hal qiladi, talabalarning kundalik daftariga amaliyot mobaynidagi faoliyati haqidagi o‘z fikr va mulohazalarini yozib, imzo qo‘yib boradi.
Talaba amaliyotni o‘tash davrida quyidagilarga rioya etishi shart:
- amaliyot dasturida qayd etilgan barcha vazifalarni bajarish;
- amaliyot o‘tkazilgan korxonalarning ichki mehnat tartib-qoidalariga bo‘ysunishi;
- mehnatni muhofaza qilish, texnika xavfsizligi va sanitariya qoidalarini o‘qib unga rioya qilishi;
- amaliyot davrida kundalik daftari doimo yonida bo‘lishi va bajariladigan ishlarni yozib borishi;
- amaliyot o‘tib bo‘lingach, talabalar amaliyot davrida bajarilgan ishlar yuzasidan hisobot yozib, uni “Agronomiya va tuproqshunoslik” kafedrasida himoya qiladilar. Hisobotni baholashda to‘plangan ma’lumotlar sifati, mazmuni va boshqa ko‘rsatkichlar e’tiborga olinadi.
- O‘z vazifasiga sovuqqonlik munosabatida bo‘lgan yoki mehnat intizomini buzgan talabaga nisbatan korxona ma’muriyati jazo qo‘llashi yoki talabalar sifatidan chiqarilishiga tavsiya etish mumkin.
Amaliyot dasturini bajarmagan, rahbarlarda salbiy taassurotlar hosil qilgan yoki hisobotni qoniqarsiz bahoga himoya qilgan talabalar amaliyotga qaytadan yuboriladi yoki o‘qishdan chetlatiladilar.
Amaliyot davrida har bir talaba kundalik daftar tutadi, unda har kungi muhim qishloq xo‘jalik ishlari va ularda o‘zlarining ishtirok etishlarini (ish me’yori, markazi va boshqalarni ko‘rsatgan holda) yozib boradi, bajarilgan ish sifatiga baho beradi. Kundalikda amaliyotni tekshiruvchi o‘qituvchi amaliyotni borishi haqida o‘z taqrizi va taklifini yozadi. Amaliyot rahbari kundalikni muntazam ravishda tekshiradi va imzo qo‘yadi.
Amaliyot oxirida talabalar amaliyot rahbari yoki xo‘jalik tomonidan berilgan va muhrlangan tavsifnomani dekanatga topshiradi. Amaliyotni baholash uchun xizmat qiluvchi asosiy hujjat hisobotdir. Hisobotda talaba xo‘jalik ishlarining eng muhim ko‘rsatkichlarini tahlil etish va baholash bo‘yicha bilimlarini ko‘rsatadi, bu ishda agronomik va iqtisodiy masalalarga alohida ahamiyat berish kerak. Amaliyot o‘tgan talaba o‘z xo‘jaligining faoliyati natijalari va agronomik ko‘rsatkichlarini tuman, viloyat va Respublikadagi eng yaxshi xo‘jaliklarning yutuqlari bilan solishtiradi. Mehnatning progressiv usullariga alohida ahamiyat beriladi, shuningdek, kamchiliklar va ularning kelib chiqish sabablariga ham. Talaba xo‘jalik ishini kelgusida yaxshilash bo‘yicha aniq tavsiflar berishi kerak, shuningdek kelgusida amaliyotni o‘tkazish haqida o‘z fikrlarini bildirishi kerak. Hisobot rasmlar va sxemalar bilan to‘ldiriladi.
1-kurs talabalari malakaviy amaliyotni 1-haftasi “Buxoro viloyat O‘simliklar karantini va himoyasi” agentligida, “Buxoro viloyat o‘simlik karantini himoyasi fitosanitar laboratoriyasi”, 2-haftasi “Buxoro varnet” korxonasida, O‘zbekiston Respublikasi O‘simliklar karantini va himoyasi agentligi Respublika agrokimyoviy tahlil markazi Buxoro viloyati agrokimyoviy tahlil markazi, “Akademik Mahmud Mirzayev nomidagi bog‘dorchilik, uzumchilik va vinochilik“ ilmiy-tadqiqot instituti Buxoro filialida o‘taydilar.
