Buxoro davlat universiteti Iqtisodiyot va turizm …
Buxoro davlat universiteti Iqtisodiyot va turizm fakulteti dekani D.Sh.Yavmutov hamda “Agrobiznes va logistika” kafedrasi professor-o‘qituvchilari ishtirokida “Neopatizm, favoritizm va korrupsiyaga qarshi kurashish” masalasi bo'yicha davra suhbati bo'lib
15.05.2023
Iqtisodiyot va turizm fakulteti dekani D.Sh.Yavmutov tomonidan nepotizm, favoritizm tushunchalari haqida qisqacha ma’lumot berib o‘tildi. Korrupsiyaning unsurlari bo‘lmish nepotizm va favoritizmga toqatsizlikni shakllantirish bo‘yicha davra suhbati ishtirokchilari orasida fikr almashinilib, ushbu salbiy illatlarning nafaqat “Agrobiznes va logistika” kafedrasida balki fakultet miqyosida birgalikda qarshi kurashish bo‘yicha yakdil munosabat bildirildi.
Shuningdek, fakultet dekani D.Sh.Yavmutov yangilangan Konstitutsiyaning 37-moddasida “O‘zbekiston Respublikasining fuqarolari davlat xizmatiga kirishda teng huquqqa egadir” deb belgilanganligi, bu esa davlat xizmatiga kirishdagi korrupsiya unsurlari, nepotizm, favoritizm kabi illatlarning oldini olishi hamda davlat xizmatiga kirishda nomzodga jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeidan qat’i nazar, huquq tengligi kafolatlanishi to‘g‘risida va amaldagi qonunchilikning korrupsiyaga qarshi kurashish borasidagi normalari to‘g‘risida qisqacha ma’lumot berib o‘tdi.
