Kafedra a’zolarining huquqiy ongi va madaniyatini shu orqali jamiyatda korrupsiyaga toqatsiz munosabatini shakllantirish, xodimlar korrupsiyaga qarshi qonun hujjatlari va ichki idoraviy hujjatlari talablarini to‘liq bilishlari hamda ularga rioya etishlari lozim. Universitet xodimlari korrupsion harakat sodir etganligi uchun javobgar hisoblanishi aytildi. Universitetga ishga kiruvchi har qanday shaxs korrupsiyaga qarshi kurash to‘g‘risidagi NIZOM bilan imzo qo‘ygan holda tanishishi va unga rioya etishi shart ekanligi ta’kidlandi.
Shuningdek, talabalar va guruh sardorlari orasida ham korrupsiyani oldini olish bo’yicha tushuntirish ishlarini olib borish kerakligi borasida fikr yuritildi. Mazkur masala yuzasidan kafedra professor-o’qituvchilari M.Ro’ziyev, D.H.Karimova va M.M.Maxmudovalar o’z fikr-mulohazalarini bildirishdi.
Unda korrupsiya dunyo miqyosida hal qilinishi lozim bo'lgan global muammolaridan biri ekanligi, ushbu illat har qanday davlat va jamiyatning siyosiy-iqtisodiy rivojlanishiga jiddiy putur yetkazishi, inson huquq va erkinliklarining poymol bo‘lishiga olib kelishi taʼkidlandi. Shuningdek, bu borada "Korrupsiyaga qarshi kurashish" to‘g‘risidagi qonunning qabul qilinganligi qayd etilib, ushbu qonunning mazmun-mohiyati bilan tanishtirildi.
