Filologiya fakulteti tyutorlari Sh.N.Oripova, M.M.Hojimurotova hamda pedagogika kafedrasi o‘qituvchisi N.N.Musayevalar hamkorligida 6-09 rus 20, 6-10 rus 20 guruhi talabalari bilan " Korrupsiyaga yo‘q deymiz " mavzusida davra suhbati o‘tkazildi. Davra suhbati jarayonida talabalarga O‘zbekiston Respublikasi Prezidentining “O‘zbekiston Respublikasida korrupsiyaga qarshi kurashish tizimini yanada takomillashtirish chora-tadbirlari to‘g‘risida”gi 2019 yil 27 maydagi PF-5729-son Farmonidagi 210-211-moddalari, 237- modda bandlari birma- bir tanishtirilib, ogohlantirildi.
Ma’lumki, korrupsiya har qanday davlat va jamiyatning siyosiy-iqtisodiy rivojlanishiga jiddiy putur yetkazadi, davlatning konstitutsiyaviy asoslarini va qonun ustuvorligini zaiflashtiradi, natijada inson huquq va erkinliklarining poymol bo‘lishiga olib keladi. Korrupsiya- shunchaki jinoyat yoki huquqbuzarlik emas, balki ma’naviy buzilish holatidir. Shunday ekan, o‘ylaymizki, mazkur illatga qarshi kurashda nafaqat davlat organlari, balki, jamiyat va umuman barcha fuqarolarimiz, hattoki talabalar ham mas’uldirlar.
