Tabiiy fanlar fakulteti 1-kurs talabalari bilan "Biz korrupsiyaga qarshimiz" mavzusida davra suhbati o'tkazildi. Fakultet tyutori A.Sharifov olib borgan tadbirda korrupsiyaning jamiyat rivojlanishiga nechog'lik rahna solishi va taraqqiyotga to'siq bo;lishi haqida so'z yuritildi. Davra suhbatiga taklif qilingan Buxoro davlat universiteti Korrupsiyaga qarshi kurash komplayens nazorat bo'limi boshlig'i Y.K. Quliyev talabalarga korrupsion holatlar , ta'lim jarayonida sodir bo'lishi mumkin bo'lgan korrupsiya holatlari, manfaatlar to'qnashuvi haqida tushuncha berdi.
Aytish lozimki, korrupsiya keltirib chiqarayotgan oqibatlar jamiyatni ich-ichidan yemirib , demokratik va huquq ustivorligi asoslariga putur yetkazadi, inson huquqlarining qo'pol ravishda buzilishiga olib keladi va iqtisodiy rivojlanishni buzilishiga sabab bo'ladi. Qizg'in bahslarga boy bo'lgan davra suhbatida talabalr o'zlarini qiziqtirgan savollariga mutaxassis tomonidan aniq va mazmunli javob olishdi.
